熱爆娛樂: 【坎坷過後有艇搭】同思琦妹合作《阿爺廚房》鼎爺答案係... _

2017年2月2日星期四

【坎坷過後有艇搭】同思琦妹合作《阿爺廚房》鼎爺答案係... __,思琦,

71歲嘅李家鼎自去年主持《阿爺廚房》後，人氣急升，今日又有周刊同鼎爺做專訪，講到網民好想佢同楊思琦做第二輯《阿爺廚房》時，鼎爺就話一切由公司安排，但佢相信公司唔會咁戇居。《阿爺廚房》嘅成功，有指鼎爺同拍檔譚玉瑛不和，鼎爺喺專訪入面就否認其事，佢話個節目係由佢揸弗，如果對譚玉瑛姐姐不滿，佢自然會詐型，但事實當然唔係咁。講到如果節目添食，俾佢再揀拍檔嘅話，佢會揀邊個，鼎爺就話一切交俾公司決定。至於有網民好想佢同囝囝李泳豪前女友楊思琦合作，鼎爺即話如果佢話唔想同思琦合作，啲人一定會話佢小器，但係佢就好老實咁講，如果佢話肯同思琦合作，思琦又肯唔肯先。佢仲好有先見之明講到，如果錄影時，佢一句掃過去，對方落唔台，自己又衰咗，相信公司唔會咁戇居安排佢哋合作囉！鼎爺仲提到，佢根本同思琦冇仇，泳豪同思琦都冇，只係感情事，合則來不合則去而已。

鼎爺話公司唔會咁戇居。(資料圖片)	鼎爺否認同譚玉瑛不和。(資料圖片)	楊思琦曾經同李泳豪拍拖。(資料圖片)
如果無綫真係搵思琦同鼎爺合作，唔知佢肯唔肯呢！(資料圖片)	李泳漢做咗老竇後，鼎爺就榮升咗做阿爺。(資料圖片)	鼎爺曾教Kelly騎馬。(資料圖片)
江若琳都係鼎爺學生。(資料圖片)	(資料圖片)	鼎爺曾經有機闖荷李活。(資料圖片)