睇到熱血沸騰！
韓劇煲得多，偶然都會覺得悶，依家大陸電視劇質素愈來愈高，好似早前《步步驚心》、《武媚娘傳奇》都叫好叫座，唔少人都轉煲大陸劇。而依家大陸最熱嗰套劇就係由大陸女星楊冪同台灣男星趙又廷主演嘅《三生三世十里桃花》，兩人在劇中激情演繹，睇到觀眾個心卜卜跳。
喺最近播出一集，趙又廷同楊冪上演最強咀戲，趙又廷先係一手將楊冪拉到牆邊，然後將佢雙手捉住貼住牆，等楊冪冇得反抗，呢個行為叫做「壁咚」，然後趙又廷就開始強吻楊冪，咀到唔想停低，仲要咬實楊冪嘴唇唔放，令一眾女觀眾睇到面紅。網友就留言：「難怪娛樂圈容易離婚」、「讓劉愷威去吻圓圓（趙又廷老婆高圓圓）、「很投入、看得我都激動了」
另外，受劇集熱爆帶挈下，楊冪在劇中的替身也人氣急升，網上流出她多張相片，外貌同楊冪有9成相似，真係要即刻要唱番句：「難分真與假，人面多險詐。」
來源 source: http://hk.on.cc
|
鍾意就快D Share啦！
|
|
|