2017年2月25日 星期六

【執著成癡】吳婉芳笑憶胡家驊:佢成日話我「咁奇怪嘅你?」 __,吳婉芳,胡家驊,

吳婉芳上月在接受梁佩瑚節目《佩瑚密語》中,形容自己以前是一個很執著的人。她舉例:「雖然我依家都執著,但起碼冇以前咁執著。」學佛令她改變不少。「我以前係好規定我自己,一二三四五,係唔可以改嘅,係一定。朝早起身第一件事要飲杯水,第二件做啲乜第三件做啲乜,如果嗰日一亂咗就唔得。我每日都要食同一樣嘅嘢,規定咗自己。我係一個好奇怪嘅人,我先生成日話我:『點解你咁奇怪嘅?』」「我中午一定食一碟烚菜,一碗湯,同 ...


吳婉芳上月在接受梁佩瑚節目《佩瑚密語》中,形容自己以前是一個很執著的人。她舉例:

「雖然我依家都執著,但起碼冇以前咁執著。」學佛令她改變不少。「我以前係好規定我自己,一二三四五,係唔可以改嘅,係一定。朝早起身第一件事要飲杯水,第二件做啲乜第三件做啲乜,如果嗰日一亂咗就唔得。我每日都要食同一樣嘅嘢,規定咗自己。我係一個好奇怪嘅人,我先生成日話我:『點解你咁奇怪嘅?』」「我中午一定食一碟烚菜,一碗湯,同一隻蛋,日日都係咁0架喇。我先生就覺得,『咁奇怪嘅你?』食麵包我永遠都只係食白麵包,咩都唔搽。佢話:『點解你咁奇怪?』我就係一個咁奇怪嘅人,好執著,好有規律。上床之前對拖鞋一定要咁樣擺,唔可以郁;返到去第一件事一定要沖涼,先至可以繼續喺屋企,如果唔係係唔可以嘅。」「但信咗佛之後,明白好多嘢,有時候係無常嘅,做人應該簡單啲。」

「以前會,成日買衫呀shopping呀嘩嘩嘩,依家冇乜呢個衝勁,除非真係有時要陪先生去見人,我先至要去買衫之外,我基本上冇,唔會點樣買衫。」「老師講得好啱,有時你個人太物質豐富,你係唔會珍惜。假如由今日開始,我任何嘢都唔買,我諗到我走嗰日、我死嗰日,都用唔晒著唔晒。我屋企已經太多喇,咁點解你仲要去買呢?

「你買,都係為咗虛榮。即係,你呢一生人嘅追求,就係去買,其實你嘅追求唔係去買,你嘅追求應該係你內女心嘅富有,你先至開心。

「我先生從來唔會制止我買嘢,因為佢知我係一個好框框嘅人,好有節制,但我個樣就好『阿太』、『富有嘅太太』,買啲好貴嘅衫,但我唔係囉。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...