今次真係告一段落喇！
曾被喻為娛樂圈「金童玉女」的方力申及鄧麗欣（Stephy）當年由黃柏高一手力捧並打造成熒幕情侶，促成兩人戲假情真，可惜去年3月突然宣布10年情玩完。分手一年後，兩人竟再度「分開」！據知，兩人與黃柏高主理的太陽娛樂約滿，同樣決定不續約離開，由同事變情侶再變回同事，如今關係更告一段落，劃清界線！
鄧麗欣主力發展電影
盛傳Stephy不續約是不想與舊愛小方再有任何瓜葛，盡量避免在公司碰頭，但有指兩人同樣希望有更大自由度，以及有機會作多方面發展，Stephy更一直獲幾間經理人公司斟過檔，而她仍在考慮中。Stephy認為錢是其次，最重要是有演戲機會，她接受電話訪問時親口承認已離開太陽娛樂：「都約滿咗成個月，一路都有傾緊唔同公司，但暫時未公布得。」並透露未來會主力發展電影工作：「其實之前拍咗幾部電影，今年會上，都想知反應係點，之後開始忙電影宣傳，仲有幾部戲傾緊。（唱歌方面呢？）冇刻意做新歌，但我喺內地做緊巡迴演唱會，都會唱到年底。」提到與小方再次巧合地「分開」，她坦言：「小方同我個約係差唔多時間，佢滿約我都知道，喺同事口中亦知道佢唔續約。」
小方未有決定
至於小方亦知道Stephy約滿離巢，又說：「雖然同柏高嘅公司約滿咗，但我同柏高、Alex（公司老闆）以及班同事關仲係好好，我嘅工作排到5月。」問到未來動向？他表示暫時未有任何決定。另外，Stephy甩拖多時仍未有着落，日前在友人陪同下現身銅鑼灣，全程毫無笑容，與友人談了數句後就急步上車回家。
來源 source: http://hk.on.cc
|
鍾意就快D Share啦！
|
|
|