網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月10日 星期五

詩詠「好女友光環」射穿牆洪永城走得出烽火大地 逃唔過情網殺機 __,洪永城,

詩詠「好女友光環」射穿牆洪永城走得出烽火大地逃唔過情網殺機一世人流流長,無論你讀書打波返工或落街買廁紙都好(嗱!林鄭話我知,廁紙唔係咁易買o架吓!),總會遇到好人同衰人,正如拍拖一樣,衰佬死婆都會有機會遇到!有好多女人喊苦喊忽話畀男人Hurt,我Nuts哥聽到一定同你講:「我真係恭喜你!」如果你話一世都冇畀男人Hurt過,咁就真係好Hurt喇!我唔係黑心,拍拖就好似賭錢咁,輸完又嚟賭過,錯愛過又會 ...


詩詠「好女友光環」射穿牆洪永城走得出烽火大地 逃唔過情網殺機

一世人流流長,無論你讀書打波返工或落街買廁紙都好(嗱!林鄭話我知,廁紙唔係咁易買o架吓!),總會遇到好人同衰人,正如拍拖一樣,衰佬死婆都會有機會遇到!有好多女人喊苦喊忽話畀男人Hurt,我Nuts哥聽到一定同你講:「我真係恭喜你!」如果你話一世都冇畀男人Hurt過,咁就真係好Hurt喇!我唔係黑心,拍拖就好似賭錢咁,輸完又嚟賭過,錯愛過又會重新再愛另一個,最緊要識得企番起身!正如被賜下「中國好女友」等等光環勁過哈利路亞嘅唐詩詠,個個話佢愛錯余文樂同崔建邦,應該搵番個好男人,早兩日佢同田蕊妮撐枱腳全晚苦瓜乾,即刻又觸動大批網民神經並狂批:「一定係洪永城做錯嘢」「唉!馬國明你上」其實我Nuts哥覺得,唐詩詠如果苦瓜乾係因為洪永城(Tony)嘅話,佢應該係咪諗:「會唔會做錯咗嘅係我?」

唔想被DQ?焗變「唐永城」

點解?做唐詩詠身邊嘅男人真係好難!就係因為唐詩詠有太多至高無上嘅光環,誇張到佢抖啖大氣或放個屁都零舍香,相反做佢嘅男人唔單止外貌收入家底,仲要通過人格審查。好多人話洪永城襯唔起唐詩詠,又猛質點解唔要馬國明。查實洪永城究竟真正衰乜呢?唔通就係口才好條脷識轉彎,同埋個樣花弗啲?口多多都係罪?拉人封艇都要講證據咁耐以嚟,真係有圖有真相影到佢去偷食?

要符合大家嘅期望,唔想被DQ,咁就要做有晒三從四德嘅「唐永城」喇!【一】:禁絕同所有異性埋身及笑容眼神交流,黑口黑面,保持口臭最佳,最好有埋金仔嘅高射炮,邊個女仔埋身,射呀射,射她吧!【二】:24小時當48小時用,話之你開工踩足廿個鐘,都要陪女友見吓面食碗麵,連覺都唔瞓就最啱!唐詩詠單拖食麵甚至同朋友去睇Big Bang,因為洪永城開工唔得閒,咪衰咗囉!畀人話冷落女友吵大鑊搞到冷戰!【三】:玩社交網畀Like唔可以亂畀,朋友唔可以亂add,要查家宅同睇三世書,總之逢女必Out!只可以Post女友合照或HeHe照,一Post同異性合照?死得早排畀人搵到同舊愛Bird合照,即刻畀人話翻撻!【四】:手拖手勿亂走,唔好玩前後腳呀!洪永城只要行先一步,而咁啱唐詩詠拎住一袋二袋,仲唔畀人話佢大男人當女友「阿四」!

做乜都錯?!話之你正印

之不過如果洪永城進化到陪玩陪飲陪食唔開工日日黐住唐詩詠,相信又有口痕友話佢不事生產食軟飯!利申,我Nuts哥唔係要幫洪永城漂白,只係覺得做佢都幾陰功甚至乎冇人生樂趣,簡直係求生不得,求死不能!做乜都畀人話對唔住唐詩詠之餘,明明有名有分係佢男友,但個個都叫你靠邊站,讓番個位畀馬國明喎!顏面何存呀?但如果洪永城真係「退位」分手,一定畀人鬧到貼地!係咪走過烽火大地零舍堅啲?我Nuts哥都幾佩服洪永城,就算畀人唔睇好,都難得頂到今時今日繼續同唐詩詠一齊!

都話男歡女愛係講化學作用,情路經歷多多嘅唐詩詠,其實係話畀大家聽,乜理想條件、乜嘢經歷全部都係假,相處開心自己鍾意就得啲女士成日話好男人唔使一定靚仔有錢,有才華孝順上進(下刪1000字)就大把女埋身。嗱!你試吓着住套夢凸蕉踢對人字拖落蘭桂坊,走埋去一個喺冇合理辯解下、喺公眾地方藏有攻擊「性」胸器34C索女度,拎住杯Dry Martini畀個三七面Chok聲話佢聽:「我好上進o架,雖然依家年薪20萬,但我有才華,等吓啦,我信會有年薪百萬o架!」跟手再同佢講你好孝順,諗住聽朝同佢瞓醒一齊同阿媽飲早茶吖嗱!


鍾意就快D Share啦!


Related Posts Plugin for WordPress, Blogger...