網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月6日 星期一

同扑嘢論作對 祖藍唔出「征」嘥咗亞男 __,祖藍,王祖藍,

有人想搞冇地方,有人有地方唔搞!再過大約一星期就係情人節,但我Nuts哥唔打算祝大家:「有情人嘅成雙成對,冇情人嘅快啲搵番個伴侶!」因為大家生活喺香港,好清楚喺呢塊彈丸之地,平日已經人鬼迫迫,如果再加上乜鬼嘢情人節、聖誕節、萬聖節等借頭借路人趁我又趁嘅所謂大時大節,望住一整個中環、尖沙咀、旺角,喺同一個時間,來來去去嗰幾個商場、嗰幾條街,擠滿好似特朗普就職典禮,就算冇150萬都有25萬個唔知出嚟真 ...


有人想搞冇地方,有人有地方唔搞!

再過大約一星期就係情人節,但我Nuts哥唔打算祝大家:「有情人嘅成雙成對,冇情人嘅快啲搵番個伴侶!」因為大家生活喺香港,好清楚喺呢塊彈丸之地,平日已經人鬼迫迫,如果再加上乜鬼嘢情人節、聖誕節、萬聖節等借頭借路人趁我又趁嘅所謂大時大節,望住一整個中環、尖沙咀、旺角,喺同一個時間,來來去去嗰幾個商場、嗰幾條街,擠滿好似特朗普就職典禮,就算冇150萬都有25萬個唔知出嚟真正原因係為乜嘅軀殼,你會頓悟,其實一年又點只一次農曆七月鬼門關大開呢?所以,係有心祝福嘅,就應該祝福你:「有情人訂到枱食飯,搵到地方『愛愛』!」

高瞻遠矚 提議劃「野戰區」

正所謂「有過痛苦,方知眾生痛苦」,唔係講我Nuts哥關心民間疾苦,係講緊身高只有163cm嘅王祖藍,佢雖然信主,但都一樣菩薩心腸,2012年佢就喺一個公開場合發表《王祖藍致香港政府收皮書》,人仔矮矮但高瞻遠矚,佢話:「鑑於好多嘅青少年人鍾意喺天橋底、樓梯間,嗰啲咁嘅地方打野戰,我建議康樂及文化事務處,以後就將郊野公園嘅一部分劃出嚟作野戰區,咁就非常之好,不過好多人想租用喎,你哋若然想租用嘅話,記得喺填表時候剔清楚,你係想去郊野公園,定係搞嘢公園喇!」

祖藍唔只早着先鞭,敢為天下先帶頭打郊野公園主意,更神預測咗香港之後數年嘅社會實況,包括:2014年有電視女藝員被發現與男伴在殘廁內gathering!(呢件事與去年底有港女喺台灣上引水產廁格內食鮑魚遙相呼應,有機會另文再講。)2015年有喺浸大、理大讀書嘅人士,喺何文田佛光街當街當巷打野戰,但佢哋係冇着迷彩衫㗎吓!同年有由藝人轉任經理人嘅戴夢夢,被影到與男友Ricky雙雙去酒店,點知要房冇房,結果夢夢喺條街度,就地除裙!令佢嗰條大包圍阿婆底,盡收路人眼底。佢事後講番呢件事,仲話當時冇飲醉,「有時鬧情緒,會做出能人所不能嘅嘢!」要你心服口服咁服咗佢!去年則有青年新政游蕙禎鬼拍後尾枕,勿忘初「衝」,佢話:「我哋負擔唔起一層樓嘅租價,就算我哋要扑嘢,都搵唔到房去扑,呢個係好現實嘅問題嚟!」

浪費豪宅 造人要問經理人

又係嘅!時下要喺香港地買樓的確唔容易,「公屋新人王」吳業坤、「糖妹」黃山怡都曾經不約而同表示追唔切香港啲樓價。不過,其實上咗車都唔代表乜嘢,好似祖藍咁,佢2015年同李亞男結婚,仲買埋億元大屋,但早排兩公婆就慨嘆生B要同經理人預約。

唔係呀!耶穌收咗12門徒,祖藍就豪簽徐子珊、陳國邦、鄧萃雯等20粒星,喺坊間一片「市道唔好」嘅「喃嘸喃嘸」底下,佢竟然逆市大搞,足證佢真係矮仔多計、勁有辦法,搞乜生B反而要問經理人攞期?乜佢打算好似求婚嗰劑咁,公開搞兼夾玩埋直播咩?祖藍啱啱先喺內地節目同成龍玩完蜈蚣彈咋喎,目測都應該係好腰、好腎、好男人,三位一體!家陣講埋啲咁嘢,多多少少都係「長經理人志氣,減自己雄風!」點只嘥咗個靚老婆,嘥咗間億元大屋,嘥咗個情人節,直頭嘥埋佢個大鼻仲唔快啲諗辦法,或者禱告,試吓交託畀主


來源 source: http://hk.on.cc
鍾意就快D Share啦!