掃呢頁CODE去手機

2017年2月25日 星期六

楊秀惠續約勁加人工 新劇演張衞健老婆 __,張衞健,楊秀惠,

WOW~期待楊秀惠同張衞健合作擦出新火花!藝人楊秀惠近年除了於無綫拍攝劇集外,亦積極為其美妝店生意落力催谷,近年已升呢做「楊老闆」的她,生意發展得有聲有色,之前更破天荒以自家品牌贊助劇集宣傳,出錢又出力!獲無綫大幅加薪挽留據知還有一段時間才約滿的楊秀惠,近日已獲無綫提早續約,罕有地獲得大幅加薪之餘,公司亦開出優越條件給她,她之後於監製徐正康的重頭劇《大帥哥》中,更有機會與好戲之前輩張衞健(Dick ...


WOW~期待楊秀惠同張衞健合作擦出新火花!

藝人楊秀惠近年除了於無綫拍攝劇集外,亦積極為其美妝店生意落力催谷,近年已升呢做「楊老闆」的她,生意發展得有聲有色,之前更破天荒以自家品牌贊助劇集宣傳,出錢又出力!

獲無綫大幅加薪挽留

據知還有一段時間才約滿的楊秀惠,近日已獲無綫提早續約,罕有地獲得大幅加薪之餘,公司亦開出優越條件給她,她之後於監製徐正康的重頭劇《大帥哥》中,更有機會與好戲之前輩張衞健(Dicky)合作,並飾演Dicky的太太。秀惠接受東網獨家訪問時開心表示:「係已經續咗約,而且人工上有加幅,係歷來最大嘅加幅,自己都非常開心同滿意。」

拍劇做生意兩兼顧

對於有指今次續約,無綫開出了優厚條件,秀惠亦謂:「公司明白到我喺生意上嘅發展需要,佢哋都好支持我,所以時間方面上大家都會互相配合。另外自己都喺無綫多年,我喺演藝事業上希望有更大嘅突破,能夠參與更多唔同嘅角色、演出,公司都好願意給予我機會,所以自己選擇留低,亦都係一個好開心嘅決定。」

同張衞健合作感榮幸

說到被安排於劇集《大帥哥》中飾演張衞健太太一角,秀惠直認不諱。問二人於劇中會否有親密鏡頭時,秀惠說:「詳細劇本仲未收到,所以未知會唔會有親密鏡頭,但自己好期待同張衞健合作,希望喺對方身上多多學習,因為知道佢係一個非常敬業、專業嘅演員,所以今次機會係非常難得。」

此外,秀惠現時生意上了軌道,她坦言希望生意跟演藝事業雙線發展,兩者都不會放棄,她笑言:「唯一取捨就是犧牲個人嘅休息時間。」


來源 source: http://hk.on.cc
鍾意就快D Share啦!