2017年2月6日 星期一

羅敏莊:同羅敏莊爆爭執 陳國邦出招「箍煲」 __,羅敏莊,陳國邦,

好感動呀!藝人陳國邦、羅敏莊(Mimi)、林曉峰(阿Lo)、康子妮、洪天明、周家蔚日前為王祖藍、李亞男及汪明荃主持的無綫節目《1+1的幸福》錄影。令人意外的是,被羅敏莊取笑零浪漫的國邦竟然成功憑愛的剖白感動全場,連祖藍都被感動至流下男兒淚。爆爭執後被邀上節目話說國邦在自我剖白期間,大爆與Mimi一星期前左右因事發生爭執,國邦指當時和太太均情緒高漲,故收到節目組邀請時「個心涼咗一截」,國邦表示:「雖 ...




其他影片:>>






好感動呀!

藝人陳國邦、羅敏莊(Mimi)、林曉峰(阿Lo)、康子妮、洪天明、周家蔚日前為王祖藍、李亞男及汪明荃主持的無綫節目《1+1的幸福》錄影。令人意外的是,被羅敏莊取笑零浪漫的國邦竟然成功憑愛的剖白感動全場,連祖藍都被感動至流下男兒淚。

爆爭執後被邀上節目

話說國邦在自我剖白期間,大爆與Mimi一星期前左右因事發生爭執,國邦指當時和太太均情緒高漲,故收到節目組邀請時「個心涼咗一截」,國邦表示:「雖然我哋好快冇事,但個心始終有條刺。但為咗呢個節目,我哋睇咗好多之前嘅片段,當時我睇到好感動,但我當時收埋咗個情緒。喺條片度,我係話我請在場眾人見證,我願以你羅敏莊成為我合法妻子,當時我講得好舒服、好真。但隨住日子過去,有時個責任可能會成為壓力,但睇完條片,我覺得唔應該係咁。」之後,國邦即請在場所有人,包括女兒陳禛見證,再次發表「願意以羅敏莊為我合法妻子」誓言,並揚言要和Mimi白頭偕老,即時成功令所有人及Mimi爆喊,場面相當感人!

Mimi自爆常做主動

Mimi則笑指在和國邦的關係中,自己經常是採取主動一方,除了主動買奶茶及車國邦回家爭取時間培養感情外,更連買求婚戒指及結婚酒席均由她一手包辦。她謂:「我淨係叫佢結婚嗰日嚟得喇。」她又大爆國邦為人沉悶,大家其實唔啱傾:「佢會好正經同你分析晒成個核爆嘅過程,咁咪聽咯,然後畀個好有趣嘅反應,其實唔有趣都要變好有趣啦。」結果這對歡喜冤家成功被選為最甜蜜couple,更和囡囡大玩錫錫答謝現場觀眾支持。

林曉峰自責未能保護老婆

而林曉峰和康子妮的互動亦十分感動,雖然把口無厘正經,但阿Lo其實十分痛錫老婆及兩名兒子,更大爆老婆一次意外,令他擔心爆喊。他說:「當日你做綵排嗰時,我已經一路都好驚,但係唔知點解,後尾終於知點解喇。當我行開咗開會嗰陣,突然助手衝入嚟話你(子妮)喺七、八呎高台跌咗落地 我好記得出到嚟見到你時,你掩住個頭。我諗有樣嘢你唔知,當大家送咗你去醫院嘅時候,其實我喊得好犀利,我好嬲我自己,我係要保護你嗰個,點解我唔能夠喺你有需要嘅時候保護你,所以你唔好怪我,成日去到邊對眼都要𥄫實你,你唔好行咁遠。因為我好驚你有事。」

借家英「歌」求婚

子妮又大爆阿Lo認識她十日左右,已經不停講結婚結婚結婚,最後更以手提電話蠱惑求婚。她說:「其實係個電話有GREETINGS,一打開就寫住『WILL YOU MARRY ME』,佢自己入嘅。然後佢再唱家英哥(羅家英)嘅我向你求婚,我求你應承。」阿Lo又大爆大仔及細仔出世時,碰巧遇上SARS及禽流感,祖藍聞言即笑問阿Lo會否再追多個,阿Lo即笑言:「後尾我覺得唔好再遺禍人間,所以決定唔生喇。」

至於家蔚則大讚天明做人有計劃,此時天明即打蛇隨棍上,話自己仲爭個女,十分搞笑。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...