2017年2月11日 星期六

【獨家】《親親我好媽》劇透 陳敏之有不倫戀 呂慧儀大件事 __,呂慧儀,陳敏之,

日前讀者投訴有邨巴司機邊揸車邊煲無綫劇《親親我好媽》,仲大大聲話:「呢套劇都幾好睇!」揸車煲劇絕對唔啱,但究竟係乜嘢劇種,先會吸引到人去煲呢?呢套《親親我好媽》係無綫新任揸弗人杜之克拍板開拍,最因初為劇本問題,最後要停廠四日,搞到滿城(電視城)風雨。但估唔到套劇拍出嚟,又唔錯,仲引起好多家長同學生共鳴,皆因套劇講緊嘅係已介水深火熱嘅教育問題,仲帶出家庭倫理,夠貼地。由江美儀飾演嘅「虎媽」查向善,完 ...


日前讀者投訴有邨巴司機邊揸車邊煲無綫劇《親親我好媽》,仲大大聲話:「呢套劇都幾好睇!」揸車煲劇絕對唔啱,但究竟係乜嘢劇種,先會吸引到人去煲呢?呢套《親親我好媽》係無綫新任揸弗人杜之克拍板開拍,最因初為劇本問題,最後要停廠四日,搞到滿城(電視城)風雨。但估唔到套劇拍出嚟,又唔錯,仲引起好多家長同學生共鳴,皆因套劇講緊嘅係已介水深火熱嘅教育問題,仲帶出家庭倫理,夠貼地。由江美儀飾演嘅「虎媽」查向善,完美演繹咩叫極品「怪獸家長」,細女數學測驗攞到98分都要鬧:「連Oscar(呂慧儀囝囝)都攞到100分,你攞唔到係咪你問題?」而大女更加為咗媽咪,放棄考古學,轉讀「易有出路」嘅理科,立志做醫生。江美儀畀兩個女咁大壓力,但都唔夠呂慧儀飾演嘅「驕媽」袁圓咁得人驚。呂慧儀個角色為人非常勢利,為咗爭取做家教會(PTA)主席而搞小圈子,又鍾意用物質獎勵囝囝。不過咁,呂慧儀同江美儀調轉,咩都係「兒子永遠是對的」,結果飾演訓導老師文嘉熙嘅陳敏之就遭殃喇,被指摘為教自己個仔而忽略其他同學而遭投訴,呂慧儀仲以PTA副主席嘅身份施壓:「冇我哋呢班家長,你有糧出咩?」呢句對白咁熟口熟面嘅?「冇我哋_ _ _ _,你有_ _ _ _咩?」呢種句式,香港人聽到笑出聲添啦。

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)唔想睇好走喇下!

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)

(以下劇透!)據本報收到風,《親親》劇情會講到「驕媽」呂慧儀惡完一輪,最終得到教訓,家庭出現問題、同老公關係都變差,之後慢慢先識學乖,同江美儀由敵對磨合變好朋友。而單親媽咪陳敏之,老公意外過身後獨力照顧兒子Issac同細佬Hayden,但工作同家庭都面對好多壓力,包括學校入面嘅麻煩事。而最令人敏之頭痕,係師生戀——郭子豪飾演嘅中六學生連國佳,會愛上Miss Chan Chan陳敏之,唔係地下情,而係明目張膽示愛。但同一時間,演校工嘅韋家雄,又對敏之呵護有加,並展開追求。由「師生」戀到「師工」,令陳敏之忙得不可開交。啱啱做咗人母嘅敏之,被問及劇情發展時,就回覆傳媒稱:「唔好意思唔方便答太多,但呢套劇本身好貼地,我都盡量控制自己,囝囝到o依家都未報學校,我諗我都未係怪獸家長。」至於呂慧儀老公黃文迪就讚老婆演得好,佢話:「睇完之後大家都要一齊思考吓,點樣可以對下一代好啲,因為套劇都係想帶出教育上面,家長同學校可能會遇到嘅問題。」

敏之係學校嘅訓導主任,同時受學生、校工追求! 郭子豪之前喺ig貼相,就已經講咗話要追敏之。 至於校工韋家雄都對敏之好細心照顧,展開熱烈追求。
敏之喺劇入面係單親媽咪,無論係家庭同學校都面對好大壓力。 郭子豪演中六學生,但就鍾意咗老師陳敏之。 呂慧儀出現家庭問題,慢慢先識同阿仔相處。
江美儀就係超嚴虎媽,連個女考98分都要鬧。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...