掃呢頁CODE去手機

2017年2月20日 星期一

朱千雪唔靠男人:樓我自己有! __,千雪,朱千雪,

朱千雪認為感情不應計較金錢或學歷,最緊要鍾意。
朱千雪唔靠男人:樓我自己有!無綫小花朱千雪、張秀文及鄧佩儀昨日分別出席活動,對於近日熱爆的「二千呎先嫁」的買樓論,千雪霸氣表示「樓我自己有」!秀文亦稱揀伴侶最緊要夾,有冇樓都冇所謂。朱千雪認為感情不應計較金錢或學歷,最緊要鍾意。朱千雪昨日與馬國明出席活動,問到有否追求者?她表示:「冇喎,識唔到新朋友,舊朋友都得,但要了解吓。其實我呢方面神經可能比較弱,feel唔到,情人節我約岑杏賢食飯咋。」談及近 ...


朱千雪唔靠男人:樓我自己有!

無綫小花朱千雪、張秀文及鄧佩儀昨日分別出席活動,對於近日熱爆的「二千呎先嫁」的買樓論,千雪霸氣表示「樓我自己有」!秀文亦稱揀伴侶最緊要夾,有冇樓都冇所謂。

朱千雪昨日與馬國明出席活動,問到有否追求者?她表示:「冇喎,識唔到新朋友,舊朋友都得,但要了解吓。其實我呢方面神經可能比較弱,feel唔到,情人節我約岑杏賢食飯咋。」談及近日hit爆全城的無綫實況節目《有樓萬事足》中,素人Seasun一句「冇樓唔好白撞」、「有樓有高潮」及要男方有二千呎樓才嫁等言論,千雪被問追求者是否要有車有樓?單身的她霸氣表示:「唔使,我自己有嘛!感情唔係講學歷同金錢嘅,最緊要鍾唔鍾意。」她又笑言不會過問馬國明與好姊妹黃心穎的戀情:「佢哋要講自然會講。(覺得佢哋襯?)襯㗎,如果係。心穎活潑,馬明又正派嘛。」

張秀文:有錢唔一定夾

另外,張秀文與張寶兒出席《第89屆奧斯卡頒獎典禮》記者會,以經典電影造型示人的張秀文大晒三吋事業線,相當吸睛。有份參與《有樓萬事足》的她,對於Seasun要求男方有二千呎樓才嫁,秀文被問以其條件是否要二萬呎才嫁?她說:「唔係淨係睇呢啲條件,有二萬呎都要夾先得嘅,可能我係大女人,有錢都唔一定夾到。」

張秀文幾乎每次出活動都拋胸,不會令男粉絲失望。
  • 張秀文幾乎每次出活動都拋胸,不會令男粉絲失望。
張寶兒以青春打扮出席記者會。
  • 張寶兒以青春打扮出席記者會。
Seasun的「有樓有高潮」言論掀起全城熱議。
  • Seasun的「有樓有高潮」言論掀起全城熱議。

文:影視組


鍾意就快D Share啦!