掃呢頁CODE去手機

2017年2月1日 星期三

「巨胸翠如」鄧月平做洗頭妹 哥仔嗌正 __,翠如,鄧月平,黃翠如,

今集有請「巨胸翠如」鄧月平!近期人氣爆燈的19歲「巨胸翠如」鄧月平(Larine),今次在《區區有女神》中帶隊往深水埗「掃場」,在該區長大的她單單使出「嗲功」已令男女老嫩暈其大浪,一招「餵阿叔食豆腐」相當耍家,繼而再以最低工資做「最索洗頭妹」,有幸幫襯的哥哥仔非常Enjoy:「好舒服呀!」大嗌要Encore!阿叔請食豆腐Larine憑天使面孔、魔鬼身材最近不停吸Like又吸金,連鄭丹瑞亦開口讚前途 ...




其他影片:>>






今集有請「巨胸翠如」鄧月平!

近期人氣爆燈的19歲「巨胸翠如」鄧月平(Larine),今次在《區區有女神》中帶隊往深水埗「掃場」,在該區長大的她單單使出「嗲功」已令男女老嫩暈其大浪,一招「餵阿叔食豆腐」相當耍家,繼而再以最低工資做「最索洗頭妹」,有幸幫襯的哥哥仔非常Enjoy:「好舒服呀!」大嗌要Encore!

阿叔請食豆腐

Larine憑天使面孔、魔鬼身材最近不停吸Like又吸金,連鄭丹瑞亦開口讚前途無限,既然講得深水埗是Larine主場,當然有圖有片有真相,中學於該區讀書的Larine自嘲「留低唔少腳毛」,對深水埗一帶瞭如指掌,年紀少少的她聲稱要「乞食」,期間游走大小舖頭又玩又食,行到糕點店用「嗲聲」問老闆:「可唔可以請我食呀?」食完缽仔糕,再走到豆腐店,擺明「冇錢」要老闆請食豆腐,最後Larine落手煎豆腐,搞到一眾老闆被電到暈晒大浪,任由女神任食任飲,其實以她天賦條件,又使乜講到乞食咁貼地,就算是同性動物玩具店阿姐,亦劈價一半賣給她。

最低工資幫人洗頭

不過,Larina眼見自己身無分文,全程黐飲黐食唔係辨法,決定卸下女神光環,走到髮型屋見工做「洗頭妹」,老闆一眼認出她,但都冇面畀只出最低工資$32.5時薪,Larina一樣話冇問題即時試鐘。甫開工她就成功拉客,事關位「哥哥仔」同樣認出她是「巨胸翠如」,竟樂做「白老鼠」給「處女洗頭」的Larine做試驗品,她更自爆:「平時我幫我隻狗沖涼沖得多嘞!今次第一次同人洗頭。」難得哥哥仔好享受,當Larine問他:「洗得舒唔舒服呀?」哥哥仔即有反應冧晒說:「好舒服!」即使洗頭水彈到眼都冇投訴,躺在洗頭椅上都不忘要求集郵,最抵死是Larine看到哥哥仔手機疑是女朋友的留言,笑問:「先生,你好多Message喎,你嚟洗頭你女朋友知唔知㗎?」最後收工出糧時,髮型店老闆竟然開出雙倍人工,叫她留低再Encore,當然Larine馬上拒絕,話自己貪玩客串吓咋!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!