2017年2月11日 星期六

生得矮有發圍!麥明詩叫林作向王祖藍學習 __,祖藍,麥明詩,林作,王祖藍,

麥明詩叫林作向祖藍學習,應該冇點錯!「十優港姐」麥明詩以透視連身裙現身活動,胸前透出誘人事業線,罕有性感大解放。她謂現在慢慢成熟,可以多作嘗試,她說:「今晚場合好隆重,因為甄子丹先生係我非常尊敬嘅前輩,好開心可以參加呢個party。」談到舊愛林作棄做大律師轉向幕前發展?她表示支持:「職業無分貴賤,好多人話讀法唔做律師好浪費,我感同身受,因為我都聽咗好多次,但我覺得讀咩同做咩未必掛勾,如果話浪費咗, ...


麥明詩叫林作向祖藍學習,應該冇點錯!

「十優港姐」麥明詩以透視連身裙現身活動,胸前透出誘人事業線,罕有性感大解放。她謂現在慢慢成熟,可以多作嘗試,她說:「今晚場合好隆重,因為甄子丹先生係我非常尊敬嘅前輩,好開心可以參加呢個party。」

談到舊愛林作棄做大律師轉向幕前發展?她表示支持:「職業無分貴賤,好多人話讀法唔做律師好浪費,我感同身受,因為我都聽咗好多次,但我覺得讀咩同做咩未必掛勾,如果話浪費咗,即係大家嘅潛意識話娛樂圈比唔起律師呢行,呢排咪興講貼地,如果大家有呢個諗法係咪更離?人生唔應該有界限,我支持大家追求人生夢想,唔應該向現實低頭,(林作之前有冇問你意見?)以前有傾開話有興趣去做其他嘢,呢個世界要多元化,做人都要多元化啲,(如果同你合作幕前得唔得?)理論上ok,(實際上?)人係複雜情感嘅動物,(合作尷尬?)未試過,試吓先知。」

問到覺得林作適合做甚麼類型角色?她續說:「我覺得佢可以向王祖藍先生學習,(覺得佢適合做醜角?)我好尊敬王祖藍,佢好多橋,創作一個新天地,依家仲做埋幕後投資電影,冇規限自己!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...