2017年2月20日 星期一

陳奕迅呻辛苦冇得瞓 譚詠麟一句點醒佢 __,譚詠麟,陳奕迅,

譚詠麟點醒陳奕迅呀!樂壇校長譚詠麟將於四月推出全新國語碟《欣賞》,跟中港台星馬不同歌手合作,其中五位合作歌手分別是孫楠、陳奕迅(Eason)、五月天、陳潔儀及李幸倪(GinLee),而歌曲日前登上了港台星馬四地音樂平台的榜首位置,成績很好。校長表示找不同歌手合唱,是因為一直都有很多喜歡的歌手,今次能跟他們合作是衝破了大家屬不同公司的難關。他亦謂用了兩年時間製作新碟,預計用18個月宣傳,笑言就如抗戰 ...


譚詠麟點醒陳奕迅呀!

樂壇校長譚詠麟將於四月推出全新國語碟《欣賞》,跟中港台星馬不同歌手合作,其中五位合作歌手分別是孫楠、陳奕迅(Eason)、五月天、陳潔儀及李幸倪(Gin Lee),而歌曲日前登上了港台星馬四地音樂平台的榜首位置,成績很好。校長表示找不同歌手合唱,是因為一直都有很多喜歡的歌手,今次能跟他們合作是衝破了大家屬不同公司的難關。他亦謂用了兩年時間製作新碟,預計用18個月宣傳,笑言就如抗戰3年零8個月般。他亦謂多謝公司不計成本為他做碟,夾埋共花費七位數字。

「一停落咗浪底就永不翻身」

今次專輯每首歌都是校長為歌手度身訂造不同主題,如情歌、環保、勵志等,其中跟Eason合唱的《明天何其多》就記載了Eason曾被校長教晦的故事,他說:「好多年前有次見到Eason,佢話好辛苦冇乜瞓,太多嘢做,我同佢講唔好咁講,依家搏殺期,做得幾多得幾多,機會喺你手,唔做就人哋做,到有一日冇人搵你就知,之後佢就醒咗,冇再呻過,所以唔好有個托詞去懶、話聽日先啦,因為明天何其多。(覺得依家歌手係咁樣?)唔想佢哋行冤枉路,唔想佢哋覺得辛苦就停落嚟,會錯失機會,娛樂圈風高浪急,食住浪頭就向前進,一停落咗浪底就永不翻身。」

五月天去咗火星

校長又提到與五月天合唱擦出了火花:「我係監製,去到尾諗住放手畀佢有另外一種唱法,佢一唱就已經同我軌道唔一樣,我本來喺月球,佢去到火星,所以我就將軌道變番過去,但中間過程好過癮。」講到今次的突破,校長即笑言:「最大突破咪要斟茶遞水,每一個過嚟我都盡晒地主之誼,帶佢哋食好嘢,以往人哋招呼我,但今次我招呼人,但開心嘅。」問到Gin Lee可是合作歌手中最後輩的一個?他謂都算是,又笑言兩人不是合唱情歌。而問到可會想與這些歌手如跟李克勤般組個組合?他即謂難,並笑言:「呢個係一次性紙底褲,係一次性合作。我唔敢講將來,但要合作多幾次先有需求感覺。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...