謝安琪為阿Bob講說話，佢話對方係飲醉，但只係搞氣氛冇鬧事！
藝人Bob（林盛斌）醉爆鬧事早有前科，而今次在新年期間，Bob與蕭正楠、方力申、周柏豪等一班好友結伴到張繼聰及謝安琪（Kay）家中團拜，事後Bob都有在網上自爆當日曾經飲醉酒，不過有傳當晚Bob醉爆後又出洋相，不單強吻友人，臨尾又唔肯走人，仲爆粗箍頸鬧人，還激到大肚的阿kay都想扯火，最後Bob由幾個友人成功夾走。
搞氣氛冇鬧事
Kay剛接受東網訪問，她替Bob呼冤，並謂：「梗係冇啦（激嬲），大家咁開心，嗰日阿Bob雖然係飲醉咗，但係佢都係搞氣氛嗰啲嚟，唔係醉酒鬧事，最後個個都玩得好高興，個個都冇佢飲咁多，有啲有司機走先，佢係留到最後嘅，仲慢慢同我哋兩公婆傾吓心事，傾吓啲小朋友讀書啲嘢，後尾佢都散咗酒氣，我老爺仲煮咗3個河粉畀佢食𠻹，因為佢突然間肚餓食個河粉，一個唔夠仲煮3個，玩得好開心，絕對冇嬲，同埋阿Bob睇啲相好似好瘋狂啫，其實佢都係搞氣氛。你知佢都係金牌司儀，喺現場佢講嘢係好大聲，佢都係『我大聲唔代表我冇禮貌』，大家都玩得好開心。」
「幫我踩旺嗰場」
Kay表示大家千祈唔好屈阿Bob，她說：「我哋好愛佢，同埋嗰日真係佢自己客氣啫，佢之後都有喺facebook講自己飲醉酒，唔知講咗啲乜嘢，其實就唔係好大件事，現場都冇人話畀佢嚇親，完全冇呀，大家都係覺得佢飲咗酒好歡樂，講嘢大大聲，新年流流好響，幫我踩旺嗰場嘅感覺，千祈唔好咁樣話阿Bob，我覺得佢都係開心先喺我屋企咁relax。」
來源 source: http://hk.on.cc
|
鍾意就快D Share啦！
|
|
|
