掃呢頁CODE去手機

2017年2月9日 星期四

【爆粗強吻】Bob醉爆激嬲大肚Kay 累張繼聰開年? __,Kay,林盛斌,Bob,張繼聰,繼聰,謝安琪,

Bob(林盛斌)一飲咗酒呢……成個人即high爆,試過喺記者面前,向好友梁烈唯嚟個吸盤嘴啜啜,又試過醉爆搗亂錢國偉婚禮,遭小春追打(新聞連結:http://bit.ly/2k5IcBq),每次飲醉都出晒事!今日有周刊爆初四嗰陣,Bob、黃宗澤(Bosco)、蕭正楠同方力申等搞新春團拜去咗謝安琪(Kay)屋企,之前Bob講過要控制自己,不過幾杯落肚即闖禍!報道指當晚Bosco拎咗啲紅酒同其他酒,Bo ...


Bob(林盛斌)一飲咗酒呢……成個人即high爆,試過喺記者面前,向好友梁烈唯嚟個吸盤嘴啜啜,又試過醉爆搗亂錢國偉婚禮,遭小春追打(新聞連結:http://bit.ly/2k5IcBq),每次飲醉都出晒事!今日有周刊爆初四嗰陣,Bob、黃宗澤(Bosco)、蕭正楠同方力申等搞新春團拜去咗謝安琪(Kay)屋企,之前Bob講過要控制自己,不過幾杯落肚即闖禍!報道指當晚Bosco拎咗啲紅酒同其他酒,Bob即自隊兼劈酒,次次飲完都變咗另一個人咁,唔只口齒不清,又會係咁爆粗,據知佢哋講明唔可以喺戶內吸煙,點知Bob邊行邊食,又逐個友人強吻,連周柏豪都中招。有啲抗拒被吻嘅人,就推撞到家具都跌埋。據知當日散水時,Bob唔肯走,連屋主張繼聰叫到,Bob都冇理,仲爆粗回敬,有友人勸佢,Bob仲向對方箍頸兼鬧人,搞到大肚嘅謝安琪都扯晒火,叫幾個朋友夾走Bob,老公張繼聰更差啲被開年!Bob今日回覆傳媒時話:「其實當晚大家玩得好開心,絕對唔係佢哋寫到咁,亦已經約緊出年再聚!」

初四去咗謝安琪家拜年。(Instagram圖片) (Bob Instagram截圖)
阿Bob一飲大咗就唔係人咁品,試過辣㷫小春爆粗掟咪兼追打…(資料圖片) 阿Bob試過飲醉同梁烈唯咀嘴。資料圖片

來源 source: http://s.nextmedia.com
鍾意就快D Share啦!