大台節目《有樓萬事足》噚晚首播，之前預告片一出街就令節目成為城中熱話，皆因「高潮女」、「105%港女」、「50蚊哥」等等極品人物，為上車無所不用其極，言論又夠出位。節目一開波就例牌介紹各個「素人」，講吓金句，當中有人講明擇偶條件要有樓，亦有人有樓喺手，只想搵真愛。今集主題係「有樓有真愛？」，第一個出場嘅主人翁就係「高潮女」Seasun。佢一出場就講金句「如果冇樓嘅話，唔好白撞啦。」之後就話自己擇偶條件首要有樓，因為「有樓先有高潮」。現年22歲嘅Seasun解釋話有高潮先易生仔，要有安穩地方去陀B，咁先安心。o依家單身嘅佢想快啲有真命天子，仲話到時會整蛋糕畀男友食，然後問對方：「揀甜品定自己？」不過有位男士阿龍就問Seasun，揀同有能力嘅男人交配，對方隨時三妻四妾；不過Seasun就話唔介意喎，仲話：「好嘢梗係多人爭啦，唔好嘅送都唔要啦。」又講到：「香港係『一夫一妻制』，反正我都係乜乜乜太，始終都有啲保障嘅。」不過呢啲說話之前預告片都聽過晒啦，未睇過嘅就係Seasun喺鏡頭面前不斷拋胸，搔首弄姿，連整個蛋糕都要着Deep V，真係千奇百趣！
| (《有樓萬事足》節目截圖) | | |
| | | |
| | | |
來源 source: http://s.nextmedia.com
|
鍾意就快D Share啦！
|
|
|
