掃呢頁CODE去手機

2017年2月6日 星期一

女神男神:撻着堅索任盈盈 張繼科Fans躁爆! __,盈盈,女神,湯盈盈,

中國奧運金牌乒乓波天王張繼科,一直都有好多Fans,大把美少女吼實佢,梗係啦,又靚仔又有名氣喎!近日國內有網友爆料,話張繼科終於拍拖喇,佢同國內女星袁姍姍被影到喺上海食飯甜蜜約會,而網友亦集齊4大證據,話佢哋堅係交往緊。袁姍姍斯文又靚女,但科科嘅粉絲就大受打擊,喺網上狂鬧姍姍,叫佢「滾出娛樂圈」!2012倫奧男單金牌得主張繼科,喺上月尾被拍到現身上海,身邊仲出現袁姍姍。雖然當日佢哋並唔係單獨約會, ...


中國奧運金牌乒乓波天王張繼科,一直都有好多Fans,大把美少女吼實佢,梗係啦,又靚仔又有名氣喎!近日國內有網友爆料,話張繼科終於拍拖喇,佢同國內女星袁姍姍被影到喺上海食飯甜蜜約會,而網友亦集齊4大證據,話佢哋堅係交往緊。袁姍姍斯文又靚女,但科科嘅粉絲就大受打擊,喺網上狂鬧姍姍,叫佢「滾出娛樂圈」!

2012倫奧男單金牌得主張繼科,喺上月尾被拍到現身上海,身邊仲出現袁姍姍。雖然當日佢哋並唔係單獨約會,二人全程又表現避忌,科科仲戴晒帽咁,明顯就唔想畀人認出。袁姍姍今年29歲,但仲Keep得好好,而佢係國內都好紅,之前曾做過《笑傲江湖》女主角任盈盈,佢套《宮鎖連城》仲係國內收視No.1添。不過佢觀眾緣就一般,早年曾經犯眾憎,唔少網民曾經鬧爆佢。

國內知名娛記爆料,話佢兩個已撻着一段日子,而早前亦出現好多蛛絲馬跡,睇到科科同姍姍係堅有啲嘢。舊年姍姍公開表示,話鍾意科科呢種類型嘅男仔,之後好快佢兩個,就開始喺微博互動。科科早前推出專輯,又向網友問有冇222呢組數字,而2月22號就係姍姍生日。另外,科科又曾經喺電台點歌畀朋友「SS」,喂呢個仲唔係代表姍姍?

雖然佢朋友話,SS係一個男人,而科科之後亦公開否認同姍姍一齊,但佢Fans都唔信,覺得係佢哋想玩地下情。唔少科科粉絲,都接受唔到偶像拍拖,仲叫姍姍退出娛樂圈添。係呀係呀,真係退出的話,可能就跟手嫁畀科科喇喎,到時你哋喊得仲大聲呀!

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!