早前被網民選為「2016年網民最討厭藝人」之一、由宇宙返咗嚟香港嘅G.E.M.(鄧紫棋)，最近係多咗時間停留喺香港，閒時都係約吓啲好姊妹超蓮同李蘊，不過佢噚日疑似騎劫黎明嘅「主場」，由觀眾自行升呢為「嘉賓」!!宇宙巨G.E.M.忽然現身舞台，連主辦單位事前毫不知情!認真夠晒誇…張!係咁嘅！由黎明同林建岳合辦嘅Dragonland Music Festival，上星期五先由黎明打頭陣舉行「Leon's Penguins in Live 2017」、前日就係一班世界級DJ撐場嘅「One Night Dance」，噚晩就聚集咗多位國際歌手演出嘅「One Night Pop」!三場show滿足三批樂迷，本來成件事好圓滿，點知噚晚發生咗疑似有人不請自來嘅事，令三場show出現瑕疵。話說噚晚個show，美國樂隊Black Eyed Peas係壓軸出場嘅嘉賓，樂迷等咗一晚，就係為咗見佢哋，一出現即全場high爆，落力和唱，點知唱到近尾聲，台上忽然被「宇宙力量」入侵。G.E.M.走咗上台，樂迷O晒嘴並放聲勁噓，據站近台邊嘅樂迷報料，G.E.M.企出嚟時，有人叫佢落台，G.E.M.即面色一沉，完騷後大批樂迷喺Instagram留言「吐苦水」，有人問「點解會有宇宙G.E.M.」、「點解佢要破壞美好嘅一晚」，又有人留言「宇宙G.E.M.破壞晒首歌，破壞晒今晩」……不過最爆係G.E.M.嘅出現，原來連主辦單位都無人知，有人見到G.E.M.出場前，曾經俾多個工作人員阻止，情況一度混亂，有目擊過程嘅人話：「G.E.M.企喺台邊準備出場，即刻有工作人員阻止，唔肯俾咪佢，因為PANEL嗰邊都冇人收到通知話佢會上台，之後見到主辦單位有負責人趕到，Black Eyed Peas經理人即快手喺工作人員手上拎咗支咪，G.E.M.即喺Black Eyed Peas經理人手上極速擸咪，急步走咗上台，拉都拉唔住。」大會事後都覺得有啲無奈(新聞連結：http://bit.ly/2lpOU6T)……
|
鍾意就快D Share啦！
|
|
|
