2017年2月27日 星期一

G.E.M.硬闖Black Eyed Peas舞台 樂迷噓爆︰做乜X?完全破壞晒! __,G.E.M.,G.E.M,鄧紫棋,

G.E.M.硬闖BlackEyedPeas舞台樂迷噓爆︰做乜X?完全破壞晒!尋晚喺中環海濱舉行嘅MusicFestival嚟到第三部份,名為「OneNightPop」。大會搵嚟多名外國歌手到場,包括︰IggyAzalea、CarlyRaeJepsen、MikePosner、HalftheAnimal等等。事緣尋晚音樂會壓軸表演隊伍是BlackEyedPeas,正當一班樂迷勁投入之際,忽然台上多咗個 ...


  • G.E.M.硬闖Black Eyed Peas舞台 樂迷噓爆︰做乜X?完全破壞晒!
  • 尋晚喺中環海濱舉行嘅Music Festival嚟到第三部份,名為「One Night Pop」。大會搵嚟多名外國歌手到場,包括︰Iggy Azalea、Carly Rae Jepsen、Mike Posner、Half the Animal等等。

    事緣尋晚音樂會壓軸表演隊伍是Black Eyed Peas,正當一班樂迷勁投入之際,忽然台上多咗個鄧紫棋G.E.M.出嚟同Black Eyed Peas唱歌,搞到台下歌迷即場噓爆,唔少人大叫G.E.M.落台,更有現場樂迷大叫︰「食屎啦!」。

    據知G.E.M.嘅出現,唔止台下班觀眾唔知,就連主辦單位都無人知! 事後唔少網民都喺網上鬧爆G.E.M.破壞晒成班氣氛,有人留言話︰「阿漿做乜X?完全破壞晒」、「全晚既污點!」、「點解佢要破壞美好嘅一晚」。

    喺G.E.M.上台前,更有人目睹多台工作人員曾阻對方上台,情況一度混亂。有知情人士話主辦單位負責人王凱文知道有人要夾硬衝上台,已經即時趕到後台了解,點知G.E.M.就趁混亂間攞到支咪衝上台,搞到工作人員拉都拉唔住。

    至於呢位「不速之客」G.E.M.,原來就係Facebook貼咗匿喺會場嘅相,之後又再po同Black Eyed Peas嘅合照,留言謂︰「其實我本來只是來看表演,但will.i.am早上在短訊裡突然叫我不如晚上一起唱Where Is The Love!哈哈哈,想不到我跟Black Eyed Peas的第一次合作居然這麼即興! Thank you Will, for inviting me! 」

    主辦單位Player One發言人王凱文接受傳媒查詢,對於G.E.M.嘅現身毫不知情。王凱文語帶無奈表示:「我哋真係完全唔知道,係覺得好突然。(係咪有人阻止佢上台?)當時我唔喺後台,去到佢都上咗台,不過如果工作人員有疑問都係正常嘅,因為噚晩個SHOW係俾外國歌手演出,依家係偏離咗嘅。」

    至於G.E.M.喺FB指自己係受Black Eyed Peas嘅成員will.i.am邀請,王凱文話:「我只可以話,如果我哋請嚟嘅嘉賓請本地歌手嚟演出,基本上係要通知我哋嘅。我噚晩都有同Black Eyed Peas經理人溝通過,佢哋都有say sorry話唔好意思。(有冇覺得令個SHOW美中不足?)係偏離咗原意。」

    真係諗起N年前有網民謂︰「我睇陳奕迅演唱會,你而家叫我睇林峯?兩回事!」又真係難怪台下班網民嬲到爆㗎! 其實G.E.M.自己開過騷都知,如果自己有搵嘉賓都要預先同工作人員溝通一下。雖然話人哋個歌手搵自己做嘉賓,但始終唔係自己主場,自己都係咪禮貌上同主辦單位講先呢?

    鍾意就快D Share啦!
    Related Posts Plugin for WordPress, Blogger...