掃呢頁CODE去手機

2017年2月23日 星期四

【獨家有圖】姓賴㗎佢!同大陸女酒吧繑手談心 方力申堅稱:Just a fan! __,大陸,方力申,中國,

方力申同鄧麗欣(Stephy)嘅十年情玩完後,36歲嘅前香港「飛魚王子」小方嘅市場景況唔錯,短短一年新女排住隊上場,賭王千金何超蓮同沙律(張沛樂)都成為其緋聞女友。日前本報仲收到讀者Paul爆料,指小方最近疑暗交強國新歡,兩人喺酒吧飲紅酒談心,阿Paul仲提供咗佢哋繑手、舉杯嘅合照,雖然未算好親密,但都令人有啲聯想喎。相片中強國女生年紀大約20多歲,面尖尖眼大大,皮膚白晢,一把又長又直嘅頭髮,好識 ...


方力申同鄧麗欣(Stephy)嘅十年情玩完後,36歲嘅前香港「飛魚王子」小方嘅市場景況唔錯,短短一年新女排住隊上場,賭王千金何超蓮同沙律(張沛樂)都成為其緋聞女友。日前本報仲收到讀者Paul爆料,指小方最近疑暗交強國新歡,兩人喺酒吧飲紅酒談心,阿Paul仲提供咗佢哋繑手、舉杯嘅合照,雖然未算好親密,但都令人有啲聯想喎。相片中強國女生年紀大約20多歲,面尖尖眼大大,皮膚白晢,一把又長又直嘅頭髮,好識打扮,拍埋小方都算幾合襯。《蘋果》翻查呢個強國女嘅社交網,發現佢姓賴,其Instagram帳戶更以小方個名簡寫嚟做開頭,加上自己嘅名字,睇嚟呢位嚟自深圳嘅彤彤情迷小方,喺網上勁晒同小方嘅合照,由15年5月開始貼第一張,寫道:「一直愛著你」。《蘋果》聯絡小方問係咪有新女友?佢以短訊否認:「No... just a fan wanted to take pic with me... thx」問到o依家有冇拍拖?小方表示:「放心。如果是真的,就不會有合照。哈哈。請別報道,益了其他人。」噢。小方口中呢位「其他人」,又真係古一直深愛著小方。每次小方現身公開場合,呢位彤彤都會現身追星,唔單止可以黐埋小方身邊合照,仲搵小方喺手機背面簽名留念,行為似足癡情粉絲。前年情人節,彤彤喺網上貼咗小方同Stephy合照並留言:「祝佢哋情人節快樂。」其後小方同Stephy出席《紀念日》電影宣傳,彤彤又嚟香港追星捧場,仲分別同小方、Stephy合照㖭,留言:「我最愛的兩位,你們要好好愛下去。」去年2月再貼小方同Stephy合照祝福:「定格在這幸福畫面。」之後小方同Stephy宣佈分手,出席活動時流下男兒淚,彤彤留言:「心疼我方,一切都會變好的!不願再見你流淚,與你同在,陪著走准我跟足一世多忙仍要走!」呢幾個月呢,小方與彤彤似乎密密見,彤彤更不停貼同小方嘅合照,全部都係小方出席活動時影嘅相。然而,最奇怪嘅地方係,彤彤一直喺網上勁晒合照,偏偏冇讀者Paul提供嘅兩張酒吧談心相片。呢兩張明顯唔係小方出席活動影嘅,而係私人聚會合照。如果真係純粹係粉絲身份,又可以同偶像飲酒談心,咁真係幾好喎!

繑晒手幾sweet(讀者Paul提供圖片) (讀者Paul提供圖片)
呢位畀小方稱為「fan」嘅強國女,喺佢ig有唔少同小方嘅合照
小方同Stephy未分手時,呢位賴小姐都有post同小方同Stephy嘅合照 而小方交待分手時,賴小姐都有開post支持小方

來源 source: http://s.nextmedia.com
鍾意就快D Share啦!