網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月10日 星期五

m18講場:金融圈內咩工做十年有過百萬年薪? __,十年,

眨眼年宵都嚟緊,放完假未回魂唔想提返工?咁不於講搵工。金融行內有咩工,穩穩陣陣做10年有過百萬年薪?就係專門要確保啲金融機構與公司營運穩穩陣陣嘅合規(Compliance)部門。合規呢瓣做啲乜?除金融機構外,上市公司亦會設合規部門,定期審查啲財務資料、企業管治及內部監控是否達到水平;亦有另一種專審查營運操作,好似銷售方式是否符合要求。香港金融發展局高級顧問李建英(Esmond)早兩日喺就業講座上, ...


眨眼年宵都嚟緊,放完假未回魂唔想提返工?咁不於講搵工。金融行內有咩工,穩穩陣陣做10年有過百萬年薪?就係專門要確保啲金融機構與公司營運穩穩陣陣嘅合規(Compliance)部門。

合規呢瓣做啲乜?除金融機構外,上市公司亦會設合規部門,定期審查啲財務資料、企業管治及內部監控是否達到水平;亦有另一種專審查營運操作,好似銷售方式是否符合要求。

香港金融發展局高級顧問李建英(Esmond)早兩日喺就業講座上,大講合規呢瓣近年「錢」途,「一般一入行月薪都有2萬蚊,有咗5、6年相關工作經驗,月薪可升到5萬、6萬。約10年升到副總裁級別,年薪可達100萬至150萬元。倘若表現出色晉升至管理層,年薪250萬元都有可能」佢仲話,呢個只係一般中型金融機構嘅行情,跨國大型金融機構嘅Package自然唔止咁。

Esmond又話,合規工作好穩定,近年好少聽到會裁減人手:「但美國總統特朗普或放寬金融業監管,可能令合規行業環境有變。」

咪以為合規一味同公司Say No,話呢樣唔做得、嗰樣唔啱規矩。資產管理顧問公司貝萊德董事總經理杜國汶(Graham Turl)話,依家最吃香嘅合規人員,要有創意兼注重細節,識諗方法點幫公司喺符合法規與唔損害公司形象下,拓展業務。又知規矩又細心又有創意,喂,係咪你都得呀!

─ ─ ─ ─ ─ ─ ─

「東網Money18」全新功能「板塊追蹤」,助你分析抓緊投資先機

http://money18.on.cc/info/liveinfo_industry.html


來源 source: http://hk.on.cc
鍾意就快D Share啦!