2017年2月11日 星期六

爆霆鋒日食兩排止痛丸 Mani:佢好傷心 __,霆鋒,謝霆鋒,

霆鋒手傷被禁足入廚房,Mani話對方啲筋黐埋發炎,一般廚師多年鑽研先會咁!英皇高層霍汶希(Mani)及衛詩雅於銅鑼灣出席英皇電影《決戰食神》慈善首映禮。身為該片總製片人及監製的Mani,透露片中主角謝霆鋒正於內地作宣傳。談到霆鋒日前於網上晒出手臂傷勢(相關新聞:https://goo.gl/Rb2x0Z),Mani稱霆鋒因手筋發炎而短期內無法煮飯,她戲稱對方變「黐筋」:「佢啲筋黐埋發炎,一般廚師多 ...


霆鋒手傷被禁足入廚房,Mani話對方啲筋黐埋發炎,一般廚師多年鑽研先會咁!

英皇高層霍汶希(Mani)及衛詩雅於銅鑼灣出席英皇電影《決戰食神》慈善首映禮。身為該片總製片人及監製的Mani,透露片中主角謝霆鋒正於內地作宣傳。談到霆鋒日前於網上晒出手臂傷勢(相關新聞: https://goo.gl/Rb2x0Z ),Mani稱霆鋒因手筋發炎而短期內無法煮飯,她戲稱對方變「黐筋」:「佢啲筋黐埋發炎,一般廚師多年鑽研先咁,佢煮飯三年就黐咗條筋,變『黐筋』!」

痛過牙痛

Mani指霆鋒日日食止痛藥亦無法止痛:「佢一日食一、兩排止痛丸都唔得,我哋同佢照咗機,骨科神醫話唯一方法係唔好切嘢同煮嘢。(佢冇得煮嘢好傷心?)佢好傷心。(影響工作?)佢煮唔到飯,佢本身研究緊產品。(霆鋒聽唔聽話?)唔係聽唔聽話,係根本做唔到,佢話痛過牙痛。」

有荷里活動作片邀拍

Mani又言會讓霆鋒休息,將原先四、五月的工作延期。她稱稍後會讓對方拍廣告:「我覺得佢應該放下菜刀,拍吓廣告。」Mani又提到有荷里活動作片邀請霆鋒參演,但要視乎霆鋒屆時的情況:「霆鋒都話估唔到打到飛起都冇事,反而煮到有事。」

衛詩雅差過霆鋒用左手?

身旁的衛詩雅就搞笑提議霆鋒「以口代手」去下廚,例如用口咬住廚具刨皮。記者提議她擔任霆鋒助手時,Mani即出口揶揄詩雅:「我諗霆鋒用左手都好過你做佢助手。」詩雅就笑言曾當面請霆鋒收自己為徒,但對方卻扮聽唔到。Mani就提議詩雅先向另一位煮得之人李家鼎拜師,詩雅說:「可以試吓!」

 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...