網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月9日 星期四

烈女辣車  Mark嫂 Jade [壹週刊 - 1405] __,Jade,關心妍,M1,

她身旁的心頭好,是HarleyDavidson的SoftailSlimSpecial,$280,800。名人動態烈女辣車 Mark嫂JadeMark嫂阿Jade(梁家玉),絕非柔弱小家碧玉;出名煮得一手好菜的她,更是一名辣車手,加上性格率正,正宗烈女。三歲定八十!阿Jade在食譜的序自述在陽氣盛的家庭長大,玩伴是哥哥和弟弟,玩具是刀刀槍槍和車車;小時見舅父有部PGM電單車,從此種下烈火戰車情緣。老 ...


她身旁的心頭好,是 Harley Davidson的 Softail Slim Special,$280,800。

名人動態

烈女辣車  Mark嫂 Jade

Mark嫂阿 Jade(梁家玉),絕非柔弱小家碧玉;出名煮得一手好菜的她,更是一名辣車手,加上性格率正,正宗烈女。

三歲定八十!阿 Jade在食譜的序自述在陽氣盛的家庭長大,玩伴是哥哥和弟弟,玩具是刀刀槍槍和車車;小時見舅父有部 PGM電單車,從此種下烈火戰車情緣。

老婆愛揸辣車,雷頌德自認執到寶。

當雷頌德遇上辣妹

二十歲考電單車牌,意外是老媽子未有反對,任由掌上明珠「皮包鐵」。

「因為媽咪唔阻止,反而令我學會做事有分寸,就算係青少年期,我都冇反叛呢樣嘢。」 Mark嫂 Jade說。

烈女性格,毫無性格的綿羊仔自然看不上眼;更何況她的另一半雷頌德,初出道已經揸住私伙「玩具」 Harley Davidson一晒。兩公婆嗜好相投,當日颷車男首度遇上颷車女,反應是?

「佢覺得執到寶㗎,哈哈!要搵到女人揸電單車幾難呀,仲要揸呢類!當時成班車隊,得我一個女仔,其他經過司機都會望一望。冇乜女仔揸到呢隻咁重型嘅車,我都要專登去操同玩舉重。我好大力㗎,同男仔打交未必輸。」雖然身形瘦削,但 Jade絕對唔講得笑!

高峰期,他倆曾收藏五架戰車,現剩下三架,包括: Harley Davidson Sportster 48、 BMW R nineT、 Yamaha XJR1300。

Jade說:「每次出車,老公戴住 head set,用 walkie talkie成日提住我唔好揸咁快!好囉唆,哈哈!好感激佢守護我。」

遊電單車河,成兩公婆拍拖節目之一。

為小朋友學錫身

婚前婚後,兩人的活動是孖住颷車。不過,二人從未有過《天若有情》的浪漫場景,坐車尾, Mark嫂 never say yes!

「我一定唔坐人車尾!就算冇得揀坐過老公車尾,原因係佢載我去攞番架整好嘅車。其實坐車尾好危險,每個人對突發事情反應唔一樣,我對自己嘅駕駛技術同反應都好放心,但信唔過其他人。」

不過,自從成為人母,烈女 Jade便自動減辣。

「自認技術唔差,但始終有小朋友,要錫身,天氣唔好或者精神唔夠一定唔揸。真係今時不同往日!以前唔理咩天氣落晒雨都照去,唔驚死!好在未試過有意外。」

揸得一手辣車,煮得一手好菜,又將頭家打理得頭頭是道,細膩與爽朗,女人典範。

生了大仔雷鳴後,阿 Mark一度反對老婆再玩戰車。直至細仔出世,阿 Jade幾經辛苦才說服老公開綠燈,兩公婆重拾孖咇車河樂趣。

早前阿 Jade出 Cookbook,出名愛妻嘅阿 Mark點會唔撐。

老公重開綠燈

阿 Jade雖然懂得自動自覺,但雷頌德亦不敢怠慢,落令禁止老婆再揸電單車。

「生咗大仔後,老公曾經反對我再揸電單車。但我唔想因為咁,將自己喜歡嘅興趣埋沒,其實最緊要揸得安全,況且我性格唔魯莽。」 Mark嫂最終用實力說服老公,重開綠燈。不過,每次老婆出車,雷頌德一定跟,以防萬一!

大仔表明長大要揸電單車,阿 Jade唔反對,但就話:「等佢心智夠成熟先俾揸!」

好多女仔識揸電單車,但唔係好多女仔可以駕馭到重型的 Harley-Davidson,烈女一名的 Jade,正是少數。

撰文:盧韻琴

攝影:葉志明

攝錄:黎以諾 

化妝: Krisie Wong

髮型: Kavi@Fifth Hair Salon

服裝及場地提供: Harley Davidson


鍾意就快D Share啦!