掃呢頁CODE去手機

2017年2月28日 星期二

【心力交瘁】大S湊仔引發心臟病 汪小菲心痛:四個一個不能少 __,大S,汪小菲,徐熙媛,

汪小菲同徐熙媛(大S)結婚5年,生咗一仔一女湊成個「好」字,兩公婆成日喺微博貼相晒幸福,不過噚晚汪小菲喺微博發文:「昨夜病床看你,腦海一直重複這首歌,今天恢復過來,想起兩小崽子,要好好的,咱們四個一個不能少。」事後再補文:「想聽你的聲音...你為孩子付出太多,醒來還想著孩子們...」唔少網民睇到汪小菲留言,都擔心大S嘅病。對此大S妹妹小S今日中午回覆台灣傳媒:「好多了,心臟不舒服。」大S之後亦報平 ...


汪小菲同徐熙媛(大S)結婚5年,生咗一仔一女湊成個「好」字,兩公婆成日喺微博貼相晒幸福,不過噚晚汪小菲喺微博發文:「昨夜病床看你,腦海一直重複這首歌,今天恢復過來,想起兩小崽子,要好好的,咱們四個一個不能少。」事後再補文:「想聽你的聲音...你為孩子付出太多,醒來還想著孩子們...」唔少網民睇到汪小菲留言,都擔心大S嘅病。對此大S妹妹小S今日中午回覆台灣傳媒:「好多了,心臟不舒服。」大S之後亦報平安:「沒事了,心臟老毛病,休息2天就好了。」事後大S媽媽向傳媒透露,指大S有心臟二尖瓣脫垂嘅宿疾,呢幾日保母放假,大S一個帶兩個小朋友,加上天氣變化大,前日已經覺得心臟唔舒服,去醫院檢查後已無大礙。大S媽媽表示大S心臟病係後天嘅,醫生話食藥冇辦法根治,只能多注意唔好太粗勞。由於大S病倒,大S媽媽日前已到家中照顧大S同兩個孫。

本身有心臟宿疾嘅大S,近日忙於照顧一對仔女,搞到心臟唔舒服,好彩經醫生診治,現時已無大礙。(大S微博圖片) 一個人照顧兩個小朋友,其實真係好吃力。(大S微博圖片) (大S微博圖片)
大S之前仲專登剪短頭髮,方便照顧小朋友。(大S微博圖片) 老婆有病,汪小菲擔心不已。(汪小菲微博圖片)

來源 source: http://s.nextmedia.com
鍾意就快D Share啦!