掃呢頁CODE去手機

2017年2月6日 星期一

【獨家】湯洛雯羅天宇拍拖又斷正 慳家着同款衫褲shopping __,羅天宇,湯洛雯,

苟芸慧最近同陸漢洋蜜運中,至於苟姑娘嘅舊愛、08年港男少年組冠軍羅天宇都似乎好事近。29歲羅天宇同12年落選港姐、湯鎮業姪女湯洛雯,喺13年拍《愛.回家》被指戲假情真,同年被《蘋果》發現孖咇喺元朗食酸辣粉斷正(新聞連結:http://bit.ly/2iT5GdP),令「洛宇戀」曝光,但兩人例牌否認戀情。上月初,羅天宇同湯洛雯被《蘋果》讀者踢爆一齊行九龍灣MegaBox睇傢俬(新聞連結:http:/ ...




其他影片:>>






苟芸慧最近同陸漢洋蜜運中,至於苟姑娘嘅舊愛、08年港男少年組冠軍羅天宇都似乎好事近。29歲羅天宇同12年落選港姐、湯鎮業姪女湯洛雯,喺13年拍《愛.回家》被指戲假情真,同年被《蘋果》發現孖咇喺元朗食酸辣粉斷正(新聞連結: http://bit.ly/2iT5GdP ),令「洛宇戀」曝光,但兩人例牌否認戀情。上月初,羅天宇同湯洛雯被《蘋果》讀者踢爆一齊行九龍灣MegaBox睇傢俬(新聞連結: http://bit.ly/2jOBmoO ),唔夠一個月,日前又有讀者陳小姐透過《蘋果》嘅「爆相爆片」捕獲佢哋去情侶必到景點--山頂行街。當日湯洛雯頭髮明顯剪短咗,但所穿嘅黑白針織冷衫襯貼身褲,竟然同上月初睇傢俬時着嘅一模一樣,只係冇戴cap帽換咗副太陽眼鏡掛係頭上,咁樸實嘅女仔,真係好難得。讀者陳小姐話:「嗰晚差唔多9點幾,商場有唔少舖頭都閂咗門,我見到羅天宇同湯洛雯一齊行街,聽到湯洛雯話舖頭都閂哂冇乜嘢行。」佢哋最後入咗去莎莎睇嘢,湯洛雯揀中化妝品,由羅天宇負責找數。陳小姐話湯洛雯全程戴住口罩,同羅天宇唔係有太多親暱動作:「佢哋再去百佳買咗兩袋零食,之後就行入一間電子產品舖頭,當時我都喺舖頭裏面,湯洛雯用雙手輕輕打咗羅天宇心口幾下,又見到佢哋有搭住膊頭行,但好快就縮手。」最後佢哋去服務台搞free parking,之後就揸車走人。湯洛雯噚日接受傳媒訪問,講到今次又俾人撞正拍拖,佢話:「之前都回應過了,我哋係好好嘅朋友,不過多謝關心。」依然係死口唔認!

湯洛雯同羅天宇又再拍拖斷正,讀者仲話湯洛雯輕拍男仔心口。(讀者陳小姐提供圖片) 兩個人揀喺9點幾先行街,人少啲,不過啲舖頭都閂咗門。(讀者陳小姐提供圖片) 行街好避忌,隔得好開。(讀者陳小姐提供圖片)
入咗莎莎睇化妝品,由羅天宇俾錢。(讀者陳小姐提供圖片) (讀者陳小姐提供圖片) (讀者陳小姐提供圖片)
湯洛雯上個月又係以呢個look同羅天宇行街。(資料圖片) (資料圖片)

來源 source: http://s.nextmedia.com
鍾意就快D Share啦!