天王黎明（Leon）今晚於中環海濱舉行一場《Leon's Penguins in Live 2017》演唱會，唱出《指日可待》後，Leon說：「唔凍呀可？時間過得好快，係咪好攰呢？最後一首歌，《Sugar In The Marmalade》。」之後Leon就落台，演唱會總監雷頌德即說：「你哋知Leon唔鍾意encore，佢唔出嚟架喇，但搵咗個朋友出嚟，唔知係邊個呢，大家想聽就大聲叫出嚟佢個朋友趕緊過嚟，可能飛過嚟！」
「明福俠」現身
台上就播出「明福俠」的片，而Leon就化身「明福俠」再出場，唱出《我唔係死蠢》，他說：「今次冇幸運摩天輪同特別禮物，你哋唔投訴吖嘛？真係唔投訴吖嘛？OK，好，我好衷心多謝大家，嚟自唔同地方嘅朋友嚟到呢度，多謝大家買飛支持，如果落雨、大風嘅話，大家都有風險，所以好多謝大家。」台下有人丟企鵝公仔給Leon，他續說：「你哋買飛時入咗email嘅，今晚番去check吓，睇吓有冇收到我邀請，聽晚呢度有DJ，後晚有外國歌手嚟表演，我都會邀請在座一啲朋友同我參加，我聽晚都會嚟一齊做觀眾，企喺你哋同一個角度睇騷，不過放心，啲飛我真金白銀買嚟送畀你哋，收到嘅朋友可以堂堂正正行入嚟，但要對得住我，唔好攞啲飛去賣，聽到嘅朋友就舉手啦，但唔代表人人有份架喎，前後都會抽到嘅，你哋係我朋友嚟嘛，咁多年去到邊都支持我，所以呢個心意大家唔使客氣。」
李彩華un住睇
黎明將企鵝公仔交給工作人員後，祝大家有個愉快晚上：「嚟緊呢隻歌排舞個陣有人叫我咁樣做，但我話點解要咁做呀。（Sayonara o Sayonara o的動作）」並唱出《我的親愛》，來睇騷的李彩華與男友何遠恒都跟住一起唱，又跟住做Sayonara o Sayonara o的動作。唱完後，他走回舞台，在台邊kick一kick，他說：「ok，冇事。」Leon對觀眾說：「再見，thank you，有緣嘅聽晚或者後晚再見，有緣嘅再見，喺唔知邊個地方，just to say hi。」之後就降下舞台，約在晚上十時十八分完場。
|
鍾意就快D Share啦！
|
|
|
