掃呢頁CODE去手機

2017年3月9日 星期四

馬家九龍城開飯 [壹週刊 - 1409] __,M1,

馬壯、馬強冇機會同已經退出幕前嘅黃寶欣合作,但都要跟前輩影相留念。同你吟一吟馬家九龍城開飯上星期一(二月二十七日),大台《馬家開飯》拉隊去九龍城拍外景 ...


馬壯、馬強冇機會同已經退出幕前嘅黃寶欣合作,但都要跟前輩影相留念。

同你吟一吟

馬家九龍城開飯

上星期一(二月二十七日),大台《馬家開飯》拉隊去九龍城拍外景,第一站係街市附近一間豆腐店,點知鋪頭冇開門,摸門釘。

有份埋位嘅馬壯(黎諾懿)、馬強(徐榮)、馬子仁(羅天宇)同老婆仔 Pinky(阮兒)於是執生跳拍,先介紹近期紅爆嘅 Queen Sophie!

馬家軍殺到,除咗惹來街坊集郵,老闆娘兼前輩黃寶欣,仲有餅店伙記,亦放低手頭工作,同馬壯馬強等人影合照。

《愛•回家》收咗檔,但「馬家」有 C9支持,又再喺第四輯嘅《開心速遞》復活,仲有機會轉 feel玩飲食節目,再發展落去,應該諗諗出埠登台,舉家掘金!

黎諾懿四月就做老豆,自然要向有超過十年湊仔經驗嘅徐榮請教過番兩招。

豆腐店未開門,摸門釘嘅黎諾懿同徐榮於是跟攝製隊行去搵「酥妃皇后」黃寶欣。

羅天宇同阮兒「兩公婆」繑住埋位,仲即場試食。

撰文︰八珍


鍾意就快D Share啦!