掃呢頁CODE去手機

2017年3月16日 星期四

墮馬廣告月底照播 劉華靠水療減痛 [壹週刊 - 1410] __,劉華,劉德華,M1,

02年留院兩個月,上週宣布出院回家,劉華承諾會盡快「站起來」。探熱針墮馬廣告月底照播 劉華靠水療減痛55歲劉德華一月中飛泰國拍道地飲品廣告墮馬受傷,盆 ...


02年

留院兩個月,上週宣布出院回家,劉華承諾會盡快「站起來」。

探熱針

墮馬廣告月底照播 劉華靠水療減痛

55歲劉德華一月中飛泰國拍道地飲品廣告墮馬受傷,盆骨多處骨折、筋腱肌肉嚴重拉傷,要由醫療專機送返香港,入院初期要服八粒止痛藥的他,早前開始接受水療減痛物理治療,本着劉華精神,加上驚人復元力,上週被批准出院返家。

不過留院臥床的劉華仍然冇鬆懈,為免合作單位損失,他堅持因意外只拍了一半的新解茶廣告照舊月底出街。

廣告拍到一半

三月十日獲知可以出院後,劉華宣布喜訊並上載「我回家了」一文,行動不便的他更揚言要盡快康復「站起來」:「劉華意志力強,最初入院每日要食八粒藥止痛,後期分量慢慢減少,佢就開始喺醫院做水療減痛,咁快可以出院,朋友都覺得佢好犀利,話佢神乎其技。最初入院,大家見佢精神唔錯,原來係劉華唔想朋友擔心,所以到可以坐起身,先叫朋友去探佢。」知情者說。

為大局着想,據了解,劉華新一輯道地解茶廣告,飲品商為免引起任何人敏感,曾經計劃抽起唔推出街,但劉華卻堅持如常在三月底照播。

「佢唔想合作咗超過十年嘅道地有任何損失,所以堅持喺月底出街,不過個廣告拍咗一半,依家仲諗緊點樣出,一係就搵替身埋尾,又或者剪過一個新版本,不過都要劉華點頭,事關以往拍廣告,劉華都會俾意見,次次都好有特色。」知情者說。

劉華被送入養和醫院時戴帽戴口罩,眉心更有損傷,但精神尚算不錯。

黃日華跟劉華識於微時,他探病當日,也指他復元快,狀態很好。

出事後,向華強夫婦最早去醫院探望,指他已經可以坐起身。

4月上映的《拆彈專家》,劉華堅持用自己方法做宣傳。

跟舒淇合作的電影《俠盜聯盟》,將會在 7月上映,復元力強的劉華到時大有機會出席宣傳活動。

劉華擔任道地飲品代言人十多年,每次都會到外地攀山涉水取景,就算簡單攞住飲品的鏡頭,也要有飛鳥動物相伴。

15年

14年

02年

01年

堅持做廿場個唱

相隔七年再開個唱,仍未可以企起身走動的劉華,已經有信心可以在年尾演唱會又唱又跳。

雖說要爭取休息盡快復元,劉華同時亦為四月上映的新戲《拆彈專家》幫手度宣傳,有指出意外後,有份投資電影的寰宇老闆林小明,曾提出延遲上映時間,不過遭劉華反對。

「佢雖然唔可以出嚟做大圍活動,但都答應會幫手拍宣傳片,加上佢仲有幾部孭飛嘅戲會喺年底陸續上畫,佢都唔想出現自己打自己情況。最勁係一早 plan好喺年尾嗰廿場演唱會,劉華都話一定會做到,仲有大半年時間先開騷,以佢復元能力,到時應該冇問題。」知情者說。

養和水療池一節收費$2490

水療,即在水中進行物理治療,適合斷骨不能走動,各種痛症,及手術後,傷口已經癒合,展開初期復康治療的病人。除私家醫院,如養和設有水療池,部分公營醫院如博愛亦設有水療中心。水池內置電動步行機及水力單車。

在養和進行水療物理治療,一般收費每節( 45分鐘至 1小時,視乎情況而定)約$2490,公營醫院約$300多元。

有物理治療師解釋,水的阻力可減輕進行物理治療時的肌肉負擔,病人在水中活動時痛楚及肌肉僵硬度減低,加上溫水有助放鬆肌肉及增加筋腱的柔韌度,令病者可自如地在水中進行運動,有效訓練腰腹肌肉,可強化腰肌及根治腰痛。

撰文、攝影、攝錄:娛樂組


鍾意就快D Share啦!