2017年3月30日 星期四

日本帶路 超人之母羅子喬 潛入超人總部 [壹週刊 - 1412] __,超人,羅子喬,M1,

第一時間同66年面世的第一代鹹蛋超人「吉田」影番張合照。星級導遊日本帶路 超人之母羅子喬 潛入超人總部15年過五關斬六將,羅子喬(Bella)被選為鹹 ...


第一時間同 66年面世的第一代

鹹蛋超人「吉田」影番張合照。

星級導遊

日本帶路 超人之母羅子喬 潛入超人總部

15年過五關斬六將,羅子喬( Bella)被選為鹹蛋超人(正式名稱為奧特曼英雄 Ultraman)之母人間體,加入超人大家庭,這兩年經常飛日本開工。但原來這位超人之母一直未有機會踏足涉谷超人總部。早前她潛入陣地,不單遇到社長大岡新一,仲有阿仔「超人」陪住開會。

超人捐錢

超人是正義化身,日本近幾年發生不少地震天災,超人總部也即時做嘢表達心意,在入口位置設捐款箱,多多益善,首踏總部的 Bella亦識做捐了幾千円。

門口遇社長, Bella乖乖坐低跟社長時光倒流,由攝影師做起,到決心成為社長,原來大岡新一自言在超人公司出現問題時,被邀接管社長重任,超人能跨越二分一世紀仍受歡迎,他認為跟超人外形,愈戰愈勇有關。

Bella考考你,超人同怪獸幾十年來出現嘅數量,答案係:「超人總共有 43個,怪獸就超過一千隻,超人幾犀利。」

有愛 Bella,識做放錢入捐款箱。

流住超人血嘅社長,做訪問時,特登放超人 figure喺枱,真心愛㗎!

大岡新一社長在門口見到 Bella,以及跟他們合作超人主題遊樂園的香港多利安創意文化集團總裁 Barry Lau後,即上前握手歡迎。

會議室簡單明亮,加埋幾個超人坐鎮,開會時頭腦會更靈活。

怪獸居酒屋

有正就有邪,去完超人總部就幫襯怪獸居酒屋,不過食係其次,氣氛、布置最重要。這間位於川崎市的怪獸居酒屋,幾乎晚晚爆滿,要食或到此一遊,要一個月前訂定位。

呢條旋風腸食得㗎, Bella大讚味道唔錯,原來每 order一道菜,就送一個怪獸杯墊,為儲多幾個,好多食客都會食多啲。

食食吓望上天花板,發覺有幾個超人被釘十字架。

怪獸居酒屋唔歡迎超人啲 friend幫襯,入門口,就要伸手入怪獸口試吓係咪間諜,不過統一俾 pass,擺明玩花臣氹你開心。

怪獸居酒屋

神奈川縣川崎市,川崎區駅前有町 3-1 NOF川崎東口ビル B1階

食漏丼海膽

去日本光顧築地魚市場係指定動作,不過未必要食魚生?當日早上九點已經坐好等食的 Bella,力推海膽。

「滿到漏丼……都係五百幾蚊。」她說。大碗夾抵食, Bella面前的海膽飯,有來自宮城同青森的海膽,仲有馬糞海膽,超級新鮮。食完十點左右, Bella繼續掃街,食燒帶子海膽、龍蝦仔、士多啤梨同排隊先食到嘅玉子燒,佢猛話要減肥咯。

海膽滿到瀉

食法是咁的:先食比較淺色淡味嘅宮城同青森海膽,可配白酒。然後食深色的馬糞海膽,可配紅酒。嫌唔夠鹹,可食一小塊昆布,鹹度即時增加,最後再將雞蛋撈飯食,五百幾蚊埋單,香港點食到。

再食 1000円海膽帶子燒,有冇咁愛呀?

精神藝術家草間彌生

適逢日本藝術大師草間彌生在東京舉行藝術展,本身鍾意波點的 Bella,亦趁機去感受吓波點世界。

「有人話佢精神病,佢都曾經形容自己係精神藝術家,仲自願入住精神病院。不過睇佢投入喺畫畫嘅世界,今年八十八歲,仲可以坐喺輪椅繼續畫,好意外。睇完藝術展,我更加鍾意波點,因為用嘅顏色好繽紛。」唔係嘛!超人之母開始受到感染。

有機會欣賞藝術大師草間彌生作品展,她在門口已經興奮得……

參觀期間,每人會派發一張不同顏色波點貼紙,然後任意在指定房間發揮, Bella都有去玩。

展覽期間,場內場外都擺放草間大型展品。

六棵早櫻

去日本 N次, Bella原來未欣賞過櫻花,朋友叫她去新宿代代木公園睇早櫻:「我喺電視睇櫻花睇得多,今次親眼見到,雖然得六棵,真係好靚。我見好多人喺呢度野餐、慶祝生日,早知都帶啲食物嚟。」離開公園, Bella更執到心形小石,她認為有寓意,隨即洗淨帶返香港:「今年有可能搵到男朋友。」

Bella到代代木公園睇早櫻,她在最茂盛嗰棵櫻花樹下狂影自拍。

公園地上執到心形石頭, Bella拎返香港珍藏,因她認為會搵到真愛。

Bella飾演超人之母,今年會在台灣做多場舞台劇,豬籠入水。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...