2017年3月27日 星期一

【獨家】三代同堂出巡 15歲索爆沈月拖實外婆勁孝心 __,沈月,

今年48歲嘅邱淑貞(豆斗),自99年嫁俾I.T集團主席沈嘉偉後,隨即息影,生活好低調。反而沈家大女沈月,今年只得15歲,憑住標緻五官,加上有最索星二代 ...


今年48歲嘅邱淑貞(豆斗),自99年嫁俾I.T集團主席沈嘉偉後,隨即息影,生活好低調。反而沈家大女沈月,今年只得15歲,憑住標緻五官,加上有最索星二代個名,Instagram只係開咗僅僅1年,就已經有接近3萬嘅追隨者。日前邱淑貞同兩個囡囡沈月同沈日,同行仲有一中年女人,估計應該係邱淑貞媽媽,三代同堂現身銅鑼灣利園。現場所見,二女沈日同媽咪豆斗特別好傾,即使12歲踏入青春期,o依然同媽咪糖黐豆拖到實,至於大女沈月,就一隻手搭實外婆膊頭,另一隻手亦冇閒着,一直舉高俾外婆扶實,兩婆孫沿途有講有笑。戴着太陽眼鏡嘅邱淑貞,一路行一路對周圍毫無戒心,反而未入行嘅沈月,就顯得有啲戒備,不時兩邊望,搭電梯時仲專登擰轉頭視察四周。眾人先到利園五期教學中心攞章程,再折返到利園二期LV專門店,直入櫃枱同sales傾幾句,sales隨即喺倉入面攞咗個細型號皮篋出嚟,檢查完拉鏈位同角位後,邱淑貞就喺銀包拎信用卡出嚟埋單,前後唔夠10分鐘。喺LV店時,沈月兩姊妹就乖乖企一邊,冇煩媽咪同婆婆,到買完篋後離開店舖時,沈月又再bodyguard上身兩頭望,然後一行人到停車場上車離開。凍齡人妻邱淑貞,本身保養得宜,皮膚滑溜,大女沈月同細女沈日手長腳長,尤其沈月,個樣唔單似媽咪。高度差啲啲就同媽咪平排,出街俾人話係三姊妹都肯定有人信。

(採訪、攝影:徐錦池) 日前,邱淑貞三代同堂現身銅鑼灣。 沈月一直拖實外婆。
二女沈日就拖實媽咪,沈月就同外婆好好傾。 15歲沈月幾乎有媽咪咁高。
息影多年嘅邱淑貞,依然好有星味。 LV掃篋唔使10分鐘。 沈月不時更新Ig。(沈月Ig圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...