掃呢頁CODE去手機

2017年3月29日 星期三

【劉鑾雄講大劉(1)】獨家 千億富豪問家傭借錢 大劉冇錢出院病房痛哭 __,劉鑾雄,大劉,

劉鑾雄,股壇狙擊手,華置前任董事會主席兼行政總裁。風扇廠起家,人稱「大劉」。前妻是寶詠琴,去年11月再婚,娶陳凱韻(甘比)為妻。大劉,真名劉鑾雄,以出 ...


劉鑾雄,股壇狙擊手,華置前任董事會主席兼行政總裁。風扇廠起家,人稱「大劉」。前妻是寶詠琴,去年11月再婚,娶陳凱韻(甘比)為妻。大劉,真名劉鑾雄,以出手闊綽見稱,動輒送物業送珠寶送Hermès,家眷工人都受惠。金句不絕,最叻幫人改花名,明星女友無數。不過俱往矣,大劉已經找到最後一個女人——甘比陳凱韻。就咁睇,「大劉」的生活,好似比「劉鑾雄」精采得多。廣大市民對「大劉的故事」需求甚殷,但「大劉」其實一粒聲都冇出過,因為真人根本未有接受訪問。由今日(29日)開始,《蘋果》娛樂呈獻一系列「劉鑾雄講大劉」,大劉首度接受傳媒訪問,由孩童時期講到最後一個女人甘比。第一集,先由大劉曾因為冇錢出院而痛哭講起。曾經有報道指,成為千億富豪之前的大劉,在外國讀大學期間學人追女仔,但又不夠錢,要問同學借錢。是真是假?大劉本人親自說:「一定,完全,絕對冇!」「第一,我喺多倫多住嗰陣時有追下女仔,家姐細佬妹喺度,如果我手緊,隨時可以同佢哋借,使乜同其他人借?」「第二,當時個個學生都好窮,租房係20幾蚊加拿大紙,邊個借到畀我哋?而且我喺溫莎大學讀書嗰陣,驚畢唔到業,所以好俾心機讀書,嗰時已經有固定女朋友,冇話四圍追女仔。」「我肯定同你講,我喺多倫多嗰幾年,同溫莎嗰兩年,完全冇試過問任何一個同學借錢:同埋我阿媽好錫我,我做嘢又好小心,當我啲錢仲有十日八日用完,我已經打電話畀佢,快就兩日,慢就三日,一定會到。」【「我未試過買二手車」】

當年大劉因為出手闊綽,又經常請人食飯,在華人學生圈子本已頗有名氣,好多女孩子主動想認識,根本毋須花太多錢追女仔。大劉也說:「因為阿媽(劉葉淑婉女士)錫我同縱我,錢好鬆動,嗰時使幾錢,其實好細數目。而且當時嘅環境,點使用錢?因為我架車好靚,全多倫多唐人街最靚嘅車。事實上阿媽好縱我,唔應該買咁嘅車。」「仲有,我未試過買二手車,全部都係全新嘅!所以啲人話我買二手車、借錢追女仔,呢啲唔係誣衊,係夾硬作出嚟詆毀我!肯定呀,百份之一千呀!如果我有借錢追女仔,絕子絕孫!」【六千蚊都要問人借】

大劉不是沒試過問人借錢,但次數極少。第一次借錢,是因為住院,他還因為沒錢出院,一個大男人在病房悲涼痛哭:「我一生人第一次同人借錢,你估都估唔到我同邊個借,係我屋企個工人。借咗五、六千蚊出院,因為我喺醫院做咗手術,冇錢出院,冇人肯同我找呢條醫院數,我自己又冇積蓄。」劉老太既然如此寵他,何以沒有替他埋單出院呢?大劉無奈地謂說:「咁佢唔喺香港嘛!」至親亦袖手旁觀?「有時睇電視劇,古裝又好現代又好,都好多呢啲慘變。當一個人叻嘅時候,就會有好多人圍攻你。我阿媽間工廠以前好『豆泥』,一年嘅生意額做300幾萬,第二年我已經由300幾萬變千幾萬,而且我喺我阿媽公司佔嘅大股份,所以啲人咪郁我囉。」【抱憾恩人中風離世】

問到家族中誰人生妒忌?大劉不願多說:「唉!呢啲太複雜我唔想講,同埋有啲人都已經死咗,總之冇人同我找數先迫我起革命,因為以前我係使阿媽錢,我都唔需要有積蓄,以前讀完書返嚟,阿媽買隻錶畀我20幾萬,已經可以買到一層豪宅。」堂堂少爺仔,慘情到要向老傭人借錢出院,大劉回想仍然激動:「乜嘢嬲吖,嗰時邊個擋我就殺邊個,我唔怕同你講!首先,同工人借咗五、六千蚊出院後,知道唔係『槍桿子裡出政權』唔得,所以一定要自己出嚟起革命……」後來大劉發跡,好想報答這位傭人,只可惜她在87年股災後中風離世,大劉一直抱憾未能好好報答這位傭人的恩情。統籌、採訪:陳月媚

攝影:陳俊強

攝錄:NEO、馮嘉銘、吉吉

【話你知】同大劉有關係嘅名人、美女有幾多? 即睇「大劉人物關係圖」: http://bit.ly/JosephLau

攝影:陳俊強 當年大劉沒有積蓄,入院接受手術後,沒錢出院,母親又不知情,頓感徬徨無助。全靠當時的老傭人借錢給他。那筆錢,足足有五、六千元。 (受訪者提供圖片) 大劉在多倫多念書時,母親送了他一架全唐人街最靚的車給他,大劉也說,母親從小就很溺愛他:「阿媽好縱我,唔應該買咁嘅車。」(受訪者提供圖片)
大劉表示,十歲前家境不太好,之後才有改善,甚至有足夠能力供他到外國升學。(受訪者提供圖片) 曾經有一頭濃髮的大劉(受訪者提供圖片) 大劉侍母至孝,母親亦對他疼愛有加,大劉再三謂:「事實上阿媽好縱我。」(受訪者提供圖片)
天倫之樂(受訪者提供圖片) 大劉從未接受傳媒專訪,今次接受《蘋果》娛樂訪問,由劉鑾雄講大劉,是頭一遭。 「我一生人第一次同人借錢,係我屋企個工人,借咗五、六千蚊出院,因為我喺醫院做咗手術,冇錢出院,冇人肯同我找呢條醫院數。」
「以前我係使阿媽錢,我都唔需要有積蓄,以前讀完書返嚟,阿媽買隻錶畀我20幾萬,已經可以買到一層豪宅。」 「乜嘢嬲吖,嗰時邊個擋我就殺邊個,我唔怕同你講!」

來源 source: http://s.nextmedia.com
鍾意就快D Share啦!