掃呢頁CODE去手機

2017年3月25日 星期六

【獨家】47歲素顏靚太李綺虹搭港鐵 八達通出事擾攘黃埔站 __,港鐵,李綺虹,

94年香港小姐季軍李綺虹,雖然嗰陣輸咗俾冠軍譚小環,但係冇影響佢喺娛樂圈嘅發展,當選冇耐已經被安排去拍電視劇,佢啲半鹹半淡廣東話再加埋儍大姐形象,唔單 ...


94年香港小姐季軍李綺虹,雖然嗰陣輸咗俾冠軍譚小環,但係冇影響佢喺娛樂圈嘅發展,當選冇耐已經被安排去拍電視劇,佢啲半鹹半淡廣東話再加埋儍大姐形象,唔單止吸引到一班師奶觀眾,仲為佢帶嚟唔少拍電影嘅機會。直至04年李綺虹同未婚夫Corey奉子成婚兼返加拿大定居,終於減少幕前演出,到咗08年回流返香港拍劇,最後喺2012年約滿離開無綫。今年已經47歲嘅李綺虹,日前就俾《蘋果》讀者彭小姐透過「爆相爆片」捕獲,彭小姐話當日喺黃埔港鐵站見到佢同老公:「嗰陣李綺虹同佢老公準備入閘,唔知係咪老公嘅八達通出現問題,同地鐵職員喺閘口擾攘一輪先入到閘,嗰陣李綺虹冇化妝,但係佢保養得好好,同當年拍劇個樣變化唔大。」跟住李綺虹同老公行咗落月台,雖然佢已經離開娛樂圈幾年,不過對鏡頭嘅敏感度仲係好高,彭小姐話:「嗰陣李綺虹見到我影相,蹺晒手邊行邊好唔耐煩,好避忌咁左擰右擰,避開鏡頭,最初佢老公都冇出聲,但係見到老婆個樣唔多開心,都忍唔住叫我唔好影相。」跟住佢哋行咗去第二個幕門等車,車到咗就即刻上車同搵咗位坐低。查實李綺虹返咗加拿大定居之後,間唔中都會返香港,噚日李樂詩仲喺ig貼咗張佢同李綺虹仲有童愛玲嘅合照,三個人keep得好好,計吓數佢個仔都已經有13歲,唔知李綺虹又有冇心郁郁返香港拍吓劇呢?

李綺虹同外籍老公返咗香港,同以往差別唔算好大。(讀者提供圖片) 見到鏡頭,有啲避忌。(讀者提供圖片) (讀者提供圖片)
無耐就行咗去車頭上車。(讀者提供圖片) (資料圖片) 兩人有個寶貝仔。(資料圖片)
李綺虹(左二)係94年港姐季軍,譚小環(右二)同活麗明(右)分別係冠軍同季軍。(資料圖片) 難得返港,李綺虹都有約李樂詩見面。(instagram圖片)

來源 source: http://s.nextmedia.com
鍾意就快D Share啦!