掃呢頁CODE去手機

2017年3月31日 星期五

【為咗一個男人】55歲馬景濤 宣佈同細21歲大陸妻離婚 __,馬景濤,中國,大陸,

曾拍《再見豔陽天》演方賀生嘅馬景濤,噚日發佈長文《十年一覺愚公夢》宣佈同34歲太太吳佳尼結束十年婚姻,「我的愛我的幸福我的婚姻都將在今天畫上最美好的句 ...


曾拍《再見豔陽天》演方賀生嘅馬景濤,噚日發佈長文《十年一覺愚公夢》宣佈同34歲太太吳佳尼結束十年婚姻,「我的愛我的幸福我的婚姻都將在今天畫上最美好的句號」,馬景濤更提到弟弟馬景珊出獄,據知當年弟弟曾二度入獄,「如今他終於重獲自由」,馬景濤表示一直令自己嘅妻子受苦,不過睇吳佳尼微博就冇講離婚一事。馬景濤喺文中先透露弟弟馬景珊重獲自由,愛弟心切嘅佢誇胞弟馬景珊,「在鐵窗苦行十九載,用生命去燃燒遙遠諾貝爾之夢的鬥士」,表示要傾力同胞弟一齊東山再起,同時佢又感謝老婆吳佳尼同囡囡馬世嬡,謝謝佢哋用10年青春同自己一齊創業,但為咗自己可以獨力完成助胞弟達成未圓之夢,「我的愛、我的幸福、我的婚姻,都將在今天畫上最美好的句號」,真係令網民覺得好錯愕。據悉,馬景珊早年因犯擄人勒贖罪,被判刑14年4個月,2002年曾同兒子一齊考上東吳大學哲學系,但未獲假釋不能同時就學,隔年先獲假釋當兒子嘅學弟,可惜2004年底又犯強盜罪被撤銷假釋,再度回到台南監獄服刑,並且喺獄中成為作家,發表著作《三個永遠》,當時搞咗新書發佈會,哥哥馬景濤都有現身幫手宣傳。而馬景濤近年主力喺大陸發展,2009年以兒子馬世天及馬世心嘅名字,成立「北京天心兄弟影視公司」,馬景濤與吳佳尼兩年前曾傳出婚變,但他隨即po一家四口甜蜜合照,之後更喺節目上為吳佳尼補辦婚禮示愛,無奈最後離婚收場。《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

馬景濤噚日發佈長文《十年一覺愚公夢》宣佈離婚 馬景濤曾拍多套亞視劇 陳秀雯與馬景濤拍《愛在有情天》,劇中兩人被指為姦夫淫婦,最後被浸豬籠
陳秀雯同馬景濤拍劇鬧不和,掀起罵戰,直至拍《愛在有情天》時,二人出奇親切,似冰釋前嫌 吳佳尼於2009年生第二個兒子馬世心。
吳佳尼、馬景濤、馬景濤女兒馬世媛

來源 source: http://s.nextmedia.com
鍾意就快D Share啦!