黃婉曼佗B五個月咋，上圍同個肚同步升級，好誇張呀！
藝人黃婉曼於大埔超級城出席將舉行的「新地復活童話之旅」活動，腹大便便的她透露現時有四、五個月身孕，但現場所見其肚子十分大，而且上圍非常誇張，她說：「我第一、二個月已經畀人睇得出，第一個月啲裙已經拉唔到拉鏈，依家我唔食嘢會嘔，所以成日不停食。（級數都上升喎？）好大負擔，重咗十幾磅，醫生話要控制喺20磅之內，所以叫我控制飲食，我淨係早餐都食三餐，食粥、飲湯同牛奶，有時都會蒸魚，中午全日都食，試過喺街搵唔到嘢食肚餓到嘔。」
主張多小朋友
她又指現在口味很奇，剛懷孕時喜歡吃薯片等零食，後來愛吃水果及牛奶，她笑言會安慰自己BB就不會偏食，她續說：「我個醫生係自由派，乜都話可以食，但我自己就唔會食生冷嘢，同埋我係好鍾意飲酒，依家係零酒精同零咖啡。（係仔定女？）留番啲私隱，不過老人家話個肚圓就係女，個肚尖就係仔，我試過夢見係twins，不過應該係一個。（想生兩個？）我就主張愈多愈好，但依家有第一個已經覺得唔容易，佗十個月又十個月，依家真係覺得做媽媽好偉大。（預產期係幾時？）七、八月。（開刀定自己生？）我崇尚自然。」
換過晒啲Bra
記者再追問她升了多Cup，有沒有G Cup時，她頓了一會笑說：「我冇度喎，總之就不受控制啦，其實我第一個月已經係咁漲，依家要換過晒啲bra，每個月都要換。（咁你第時餵人奶咪仲誇張？）個BB咁大食，唔驚冇嘢食囉，哈哈！」
來源 source: http://hk.on.cc
|
鍾意就快D Share啦！
|
|
|
