2017年3月27日 星期一

【初生B女Hip Hop打扮】全家黑Look出院 謝安琪:康復情況OK __,謝安琪,

啱啱生完囡囡Karina嘅謝安琪,今日喺老公張繼聰同囝囝張瞻陪同下,喺中午約12點,同初生B女離開仁安醫院。生完冇耐嘅Kay,雖然化咗妝,但塊面水腫仲 ...


啱啱生完囡囡Karina嘅謝安琪,今日喺老公張繼聰同囝囝張瞻陪同下,喺中午約12點,同初生B女離開仁安醫院。生完冇耐嘅Kay,雖然化咗妝,但塊面水腫仲未退得晒。記者問Kay康復未,Kay就笑笑口話:「康復情況OK呀!」而一家四口今日都專登揀着cool cool嘅黑色衫見大家,就連包住囡囡嘅包被同衫仔都係黑色,同哥哥一樣一副Hip Hop打扮。現場所見,B女肥嘟嘟全程瞓咗覺。阿聰接受訪問時話自己會如常工作,冇理由生咗囡囡,就掛住個女而唔去做嘢,自己都有問阿Kay會唔會復出,不過Kay暫時未諗,暫時專注湊女先,阿聰又話:「今次有請陪月,上次就冇請,今次Kay開刀生B,第一日個傷口都好痛。其實自然分娩都各有千秋嘅痛,雖然Kay動作有啲慢,不過心情好好。」阿聰又講笑指自己現時好似Kay嘅「人肉柺杖」咁。而佢哋離開醫院時,囝囝張瞻好乖咁幫媽咪推BB車。之後抱住B女嘅張繼聰同埋Kay,一家四口乘七人車,返回大埔比華利山寓所。

(攝影:張俊銘) 全家黑色打扮
哥哥張瞻幫手推BB車。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...