網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月14日 星期二

【獨家】周董慳家坐廉航 孖陀住「慈姑椗」昆凌蜜遊歐洲 __,昆凌,周杰倫,周董,

現年38歲嘅台灣天王周杰倫(周董)好鍾意小朋友,昆凌嫁咗畀佢之後,曾揚言想喺25歲前生3個。前年先得21歲嘅昆凌,第一胎就為周家誕下囡囡「小周周」Ha ...


現年38歲嘅台灣天王周杰倫(周董)好鍾意小朋友,昆凌嫁咗畀佢之後,曾揚言想喺25歲前生3個。前年先得21歲嘅昆凌,第一胎就為周家誕下囡囡「小周周」Hathaway,今個情人節周杰倫再度宣佈老婆有喜,仲暗示係仔,梗係開心陀住周家「慈姑椗」嘅昆凌估計現在懷孕約4個幾月,個胎都應該陀得好穩,最近跟埋老公及幾位同事一齊歐遊。早前周杰倫已經喺fb洩露行踪,話有「導遊」帶佢去Brick Lane,未幾就俾人影到兩公婆現身倫敦,但就見唔到昆凌個肚。前日《蘋果》讀者Daniel透過「爆相爆片」提供周董嘅最新動向,原來佢哋去完倫敦再飛巴黎,前日再由巴黎飛去巴塞隆拿,讀者Daniel仲咁啱同佢哋同機。周杰倫同昆凌貫徹低調作風,兩人都係黑衫、黑褲及黑口罩,昆凌着住一條鬆身裙,微微見肚,但手腳依然纖瘦。周杰倫等人專登等到差唔多起飛先入機艙,周杰倫主動坐到最入窗邊位,而昆凌就坐中間,另外仲有一位同行女友人坐最開位置。據悉佢哋坐嘅係VUELING航空,屬於歐洲廉航,全機只得經濟位,票價約$700有交易,真係估唔到剛以約1.6億港元買入台北市大安區「和平大苑」頂樓單位嘅周杰倫,都肯自降身價,讀者Daniel話覺得奇怪:「其實仲有6、7間揀。」讀者Daniel透露周杰倫同老婆全程機冇離開過坐位,亦冇召喚過空中服務員。直至搭完近兩個小時飛機,落機後昆凌先去廁所,Daniel話:「見佢都好獨立,唔使人陪,去完廁所就出去搵老公。但佢哋全程好少傾偈,各有各玩手機。」之後一行人乘車離開,前日凌晨周杰倫再度更新fb,貼咗一啲好有創意嘅藝術作品。

(讀者Daniel提供圖片) 讀者Daniel見到周杰倫、昆凌坐廉航歐遊。(讀者Daniel提供圖片) 當日昆凌着住一條鬆身裙,微微見肚。(讀者Daniel提供圖片)
周杰倫同昆凌貫徹低調作風,兩人都係黑衫、黑褲及黑口罩。(讀者Daniel提供圖片) 周杰倫外套背面個「X」字logo好搶眼。(讀者Daniel提供圖片) 周杰倫一行人抵達巴塞隆拿機場。(讀者Daniel提供圖片)
(讀者Daniel提供圖片) 雖然周董同太太坐廉航非常低調,不過佢身上嘅Moncler X OFF-WHITE外套就非常高調,想睇唔到你都難啦。(就連入面嗰件都係OFF-WHITE出品)!(讀者Daniel提供圖片) (讀者Daniel提供圖片)
據悉周董佢哋坐嘅VUELING航空,屬於歐洲廉航,全機只得經濟位,票價約$700有交易。(讀者Daniel提供圖片)(攝於巴黎機場) 前日凌晨周杰倫再度更新fb,貼咗一啲好有創意嘅藝術作品。(周杰倫fb截圖) (周杰倫fb截圖)
周杰倫同昆凌育有一女,今個情人節周杰倫再度宣佈老婆有喜,仲暗示係陀仔。(資料圖片) (資料圖片) (資料圖片)

來源 source: http://s.nextmedia.com
鍾意就快D Share啦!