網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月18日 星期六

黃翠如一提婚事即推:係都會係男仔諗 __,翠如,黃翠如,

係呀,大家都知你哋攞長假喇!!藝人黃翠如被指與拍拖兩年多的男友蕭正楠於八月請假出國瞞婚,心情大靚的翠如出席無綫新劇《我瞞結婚了》宣傳時,獲在場傳媒以「 ...


係呀,大家都知你哋攞長假喇!!

藝人黃翠如被指與拍拖兩年多的男友蕭正楠於八月請假出國瞞婚,心情大靚的翠如出席無綫新劇《我瞞結婚了》宣傳時,獲在場傳媒以「蕭太」稱呼,笑到四萬咁口的她聞言謂:「睬,假嘅嘢唔好拎出嚟講,其實就好似學生放暑假咁,兩個小員工攞假去旅行,都係攞住先,唔使開工就去。(高層樂易玲都批咗)但我8月有個馬來西亞trip要去,佢就要拍旅遊節目呢。(咁諗住去邊?)未諗定,我哋都好耐冇拍拖,連續開幾套劇,所以好想放假去旅行。」

拍拖至上 結婚拖字訣

對於瞞婚之說,翠如坦言與男友拍拖時間也不夠,故未有多想瞞住結婚等問題,更抵死指要待老友洪永城先結婚,問到可擔心成為高齡產婦?她謂:「今時今日邊有呢啲嘢,開心就得啦。(咁唔想生仔?)暫時未諗到咁長遠,拍吓拖先。(拍咗兩年幾都唔夠?)都冇乜一齊,出trip最多都係四日,有朋友一齊都冇所謂。(唔想二人世界?)我哋光明正大嘅。」談到兩人已發展至同居,翠如坦言拍拖關係會互相到對方家。

轉視線爆洪永城多女圍

問到被指瞞婚一事可有嚇親公司?翠如表示沒有,更指不知道假期已獲批准,但若果成事的話,有意出走十天輕鬆一番,至於結婚計劃,翠如就謂:「開緊工都計劃到就好叻,屋企人都冇催。(會瞞婚?)未諗,係都會係男仔諗。(洪永城話你想擺脫同佢嘅螢幕情侶形象!)佢想擺脫我多啲,佢身邊咁多飛來蜢,成日都有女仔喺附近。」


來源 source: http://hk.on.cc
鍾意就快D Share啦!