網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月10日 星期五

【細數歷代陽光妹】「乜咁啱嘅!」孖辮栢芝夠純情 何嘉莉做過女主角 __,栢芝,張栢芝,何嘉莉,

陽光檸檬茶廣告可以話係大家嘅集體回憶,有經典對白,又有經典廣告歌。雖然包檸檬茶有時真係甜得滯,不過為咗重拾青春,可能你久唔久都會買返包。到底歷代「陽光 ...


陽光檸檬茶廣告可以話係大家嘅集體回憶,有經典對白,又有經典廣告歌。雖然包檸檬茶有時真係甜得滯,不過為咗重拾青春,可能你久唔久都會買返包。到底歷代「陽光妹」你又記得幾多個呢?會唔會記錯鍾麗緹係其中一個呢?1986年

「元祖陽光妹」係梁佩玲,不過當時個廣告就冇廣告歌,只係有把人聲不斷重覆「XX有陽光」,雖然係成功洗腦,不過o依家睇返都真係幾煩。1987年

「如陽光~伴我~」呢個廣告你實記得喇啩,鄭伊健以學生王子形象登場,拍住籃球笑住行過。不過,做怕醜陽光妹嘅Yvonne Yuen都好搶鏡㗎。喺廣告入面含羞答答佢,原來現實生活中已經嫁咗去印尼,仲做咗人婆婆o添喇!1989年

「如陽光~你將癡心亮起」呢個廣告就係由蘇永康唱廣告歌,樊亦敏做女主角,而橋段都係嗰啲少男少女情竇初開嗰啲啦,o依家睇番係幾sweet嘅。1991年

呢個廣告可能平淡咗啲,大家冇咩印象。不過今時今日睇番,你就會覺得女主角譚凱欣好似胡杏兒。故事就係兩個男仔爭一個女仔,最後結果係點就冇人知喇,不過咁先係青春㗎嘛。1993年

「乜咁啱嘅!」係咪所有畫面返晒嚟先?最經典仲唔係呢套?唔好記錯星爺同鍾麗緹喺《食神》入面嗰幕喎。正版應該係由當年Theme時裝連鎖店太子女賴沅貞做女主角先啱。1996年

呢次就係何嘉莉做女主角,故事就係好簡單嘅舊同學重遇咁囉,不過喺街到有個女仔突然俾個電話號碼你,仲叫你記得打俾佢都幾開心吖,一生人都唔知有幾多次。1998年

呢個廣告就世界級喇!有純情到爆嘅張栢芝做女主角,仲要紮起孖辮,含情脈脈咁咬住飲管望向你,相信唔少男士當年都俾佢迷倒。2010年

近代「陽光妹」就係Leann Ho(何思諺),佢o依家嫁咗俾樂隊Mr.嘅鼓手Tom,仲有一個小朋友o添。當年個廣告就係橋段就係「炒雜錦」,咩都有啲,總之都係行校園風啦。

1986年梁佩玲 1987年Yvonne Yuen
1989年樊亦敏 1991年譚凱欣 1993年賴沅貞
1996年何嘉莉 1998年張栢芝 2010年Leann Ho(何思諺)

來源 source: http://s.nextmedia.com
鍾意就快D Share啦!