最慘係本來好多對白，點知最後刪剩一句。
藝人簡淑兒（Jessica）及許雅婷（Kabby）到灣仔會展出席香港國際影視展，宣傳兩人有份演出的靈異新片。
拍完先知場地有人吊頸
Jessica提到這齣處女電影，她說：「我係第一次拍戲，導演話覺得我對眼邪，所以搵我演出，有戲拍我都唔介意佢咁講，今次我原本有好多對白，但係最後刪剩一句對白，我唔可以劇透呢個對白係乜，大家入場睇（有冇遇過靈異事件？）現實中我就冇遇過靈異事件，不過工作人員喺我拍完，先至話我知，拍攝場地原來曾經有人吊頸！」
許雅婷透露戲中與麥子樂有親熱戲，她說：「我着住普通背心，佢就赤裸上身，場戲講我同佢有啲情侶嘅纏綿動作，之後換咗由馬來西亞演員飾演嘅鬼同我拍纏綿戲份，麥子樂身形好大隻，為咗呢場戲佢再操大隻啲，不過原來佢好怕醜，可能驚掂到我！（對呢種又大隻又怕醜嘅男仔有好感？）都幾好呀！」
來源 source: http://hk.on.cc
|
鍾意就快D Share啦！
|
|
|
