2017年3月21日 星期二

堅兇狠!周柏豪打到袁偉豪撻晒地 __,柏豪,袁偉豪,周柏豪,

周柏豪(左下圖)同袁偉豪埋身肉博,令人睇到眼都凸!無綫近年不斷流失小生、花旦,為了補位已密密將第二梯隊的演員力谷上一線,包括袁偉豪(Ben)及楊明等, ...


周柏豪(左下圖)同袁偉豪埋身肉博,令人睇到眼都凸!

無綫近年不斷流失小生、花旦,為了補位已密密將第二梯隊的演員力谷上一線,包括袁偉豪(Ben)及楊明等,並邀請了不少前輩級演員如羅嘉良、張衞健及吳岱融等重返無綫坐鎮,令劇集陣容更有睇頭!例如今次無綫重頭劇《使徒行者2》陣容強勁,參演藝員包括三哥、阿Ben、周柏豪、宣萱、黃翠如、馬國明及麥明詩等,劇集將於香港及內地網站愛奇藝同步播出,市場甚大,而製作隊更鎖定柏豪為「潛力視星」,有信心助他成功入屋!在劇本處埋上,柏豪的角色被包裝為一名「格鬥高手」,將阿Ben打到飛起,柏豪全程力保靚仔形象,相信無綫是想以此作餌,將柏豪收歸旗下做「親生仔」!

兇狠樣盡現

《使徒2》臨近煞科,前日在打鼓嶺拍攝打鬥場面,瞓身演出的阿Ben和柏豪更埋身肉搏,打到飛起!期間,柏豪「格鬥高手」上身,使出過肩摔令阿Ben撻到攤攤腰,緊接再拿起鐵筆狂毆,雖然阿Ben的被毆鏡頭以替身上陣,但畫面的兇狠程度同樣令人睇到眼凸!打到飛起的柏豪力保靚仔樣,而且做足安全措施,問到動作戲如此危險,老婆會否很擔心?向來低調處理感情事的他未有談及老婆,只說:「我相信公司同歌迷會擔心多啲,因為演唱會就到,雖然好多動作想自己做番,但佢哋都想我少啲受傷。」對於獲TVB寵愛,柏豪笑言:「多謝每個合作單位嘅信任,TVB同騰訊呢個大劇畀我機會學習,仲有監製導演所有劇組嘅人員,演員們,呢次合作太好玩,學到太多。打戲有來有往嘅,劇情唔可以透露太多,總之我唔會太好受啦,都感謝阿Ben都教我好多動作點樣做好,好多年前同佢合作到依家,真係好鍾意呢位朋友。」

半裸跑街引人𥄫

至於幾乎被任砌的Ben笑指場面愈拍愈「甘」,受訪時說:「就算有就力,都會食唔少力。(甘過拍《城寨英雄》?)唔同,時裝嘅動作戲同功夫有分別,好在開《使徒2》休息時間充足,不過尋晚半夜都要趕戲。」並透露當晚在新蒲崗街頭拍攝只穿底褲的半裸跑戲:「條內褲色彩鮮艷,嗰區好多酒店,有唔少自由行圍觀!」

而苗僑偉透露這場毆鬥戲是其煞科戲,問到可想拍第三輯?他表示要交由觀眾決定,而提到日前到上海參演張家輝自導自演的戲,可有想過一嘗導演癮?他笑指見到家輝面對如此壓力,就嗌怕怕!




來源 source: http://hk.on.cc
鍾意就快D Share啦!
Related Posts Plugin for WordPress, Blogger...