有「阿伯殺手」之稱嘅90年代艷星李莉莉，喺1996年下嫁俾澳門「煙花大王」後人麥競敏，婚後生咗個1仔1女後退出娛樂圈，佢息影咗9年之後，突然復出幕前， ...
有「阿伯殺手」之稱嘅90年代艷星李莉莉，喺1996年下嫁俾澳門「煙花大王」後人麥競敏，婚後生咗個1仔1女後退出娛樂圈，佢息影咗9年之後，突然復出幕前，嗰陣已經有傳佢婚姻出現問題，不過佢未有正面承認呢件事。再戰江湖嘅李莉莉，雖然身邊冇咗老公嘅蹤影，但係多咗個保鑣陪同出入。05年有報道指李莉莉為咗復出，走咗去深圳一間以整容出名嘅醫院，借睇皮膚為名，要求醫生開挺胸藥，期間個保鑣一直陪伴左右，李莉莉亦毫不避忌咁喺保鑣面前除咗條裙兼露底透涼，跟住再去咗一間保健中心按摩，要求按摩師將背部同腹部嘅脂肪推到胸前，作風豪邁，果然乳出驚人。婚變傳聞傳之不絕，其後再有消息指兩人婚變，原因是因為冇錢過手之外，其中一方仲係性冷感，屢醫無效，惟有決定離婚，撫養權交由老公負責。李莉莉復出撲水養自己，06年又俾傳媒影到佢喺深圳買樓做包租婆，佢話用咗幾十萬買樓，再分租俾啲骨場女仔。當時訪問中李莉莉仲承認自己離婚冇拎過老公一分一毫，自力更生靠自己。離奇嘅係2010年兩公婆又孖公仔帶埋仔女出席慈善活動，仲人前人後嗌對方「我老公」，2012年接受《蘋果》專訪時，又連聲否認分開：「嗰陣我成日返內地，啲人搵唔到我咪話我哋分開，我費事越描越黑，先至冇去解釋。」據悉，李莉莉早年確與丈夫分開，但近年二人已經低調復合，在丈夫精神和金錢支持下，又難怪李莉莉可以專心在內地拓展她的農務事業。
