網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月20日 星期一

娛刺撈飯:教你追月大法!認住邱淑貞卡數一筆清 __,邱淑貞,

豆斗、卿卿、利智三個囡囡都係城中最期待星二代~要睇索女,識睇梗係睇星二代!唔少星二代因父或因母之名而入行,不過未入行嘅星二代仲吸引,論最收視爆燈、最強 ...


豆斗、卿卿、利智三個囡囡都係城中最期待星二代~

要睇索女,識睇梗係睇星二代!唔少星二代因父或因母之名而入行,不過未入行嘅星二代仲吸引,論最收視爆燈、最強背景兼最強基因嘅星二代索女,當然係邱淑貞囡囡沈月、葉玉卿囡囡胡芷欣同埋利智囡囡Jada!身為三大最強星二代索女,間間公司都虎視眈眈想佢哋入行,查實大家最想睇,唔單止係睇佢哋,更想睇佢哋阿媽!

喺八、九十年代,上天好眷顧香港,帶嚟三位性感女神「豆斗」邱淑貞、葉玉卿同利智,呢三份天神禮物果真花開三朵,各表一枝,絕對係香港人永不磨滅嘅集體回憶。星移物換,豆斗、卿卿同利智都已為人妻,幸好呢三位一代女神將佢哋優良DNA帶畀下一代,沈月、胡芷欣、Jada世襲阿媽優良基因,QC當然有保證。嗱!就好似沈月咁喺社交網晒一晒「絕對領域」,網民心心谷到上鼻,就知呢位星二代幾咁得人歡喜;至於胡芷欣就盡得阿媽最好基因,應有嘅有,多一分膩,少一分淡,Perfect!而Jada長髮飄飄,成為清純女神當之無愧啦。

如何打造「最佳女婿」

話時話,依家女多男少,男生唔識投胎唔緊要,搵個筍盤老婆就可以下半世無憂,呢三位星二代絕對係最佳選擇,咁點先至可以成為「最佳女婿」呢?

好多人會認為,沈月難度一定最高,身為市值近40億時裝王國的千金,就算對日日歎cappuccino兼有時間睇法國電影嘅中產嚟講,着實高不可攀。不過Nuts哥唔係咁諗,沈月先最貼地,因為沈月同胡芷欣最致命分別係地域界限,沈月根在香港,芷欣同Jada根在阿美利加合眾國,只知道近水樓台先得月,Long D好痛苦呀喂!

跟住以下四個錦囊鍛煉自己,原來做「最佳女婿」並非不可能。首次要提升自己Fashion Sense,雖然豆斗老公沈嘉偉旗下品牌多元化,若然「肺甩膠磨」同「露腋拉登」都可以搞錯,就真係要惡補一下;第二係就算唔信,都要對佛學有一定研究,豆斗篤信密宗,若連涅槃一詞都未聽過,建議研讀一下《大日經》、《金剛頂經》同《蘇悉地經》;第三,搞掂未來外母到外父,一定要對車有研究,沈嘉偉名車匯萃在車庫,部部名車有來頭,佢唔鍾意搵司機代勞,自己揸先過癮,若然閣下少爺仔到連車牌都冇,快考快做「頭文字D」;最後亦係最重要,就係真誠同有目標,拍拖始終係兩個人嘅事,就算佢父母嫌你窮的話都唔使理佢,最緊要係自己發憤圖強,證明畀佢兩老睇佢個女冇搵錯對象。

要打得 過李連杰一關

相對沈月,胡芷欣同Jada難度就真係高好多!卿卿夫君胡兆明在美國開超市,飄洋過海入贅唔係唔得,但閣下若天生數口不精,又點做到格價專員幫外父外母打理生意?「來吧甚麼都應承」係冇用嘅,手跟唔到命令,嘴跟唔到數口,談情都係死路一條。

追Jada都唔係一件易事,利智老公係大名鼎鼎打得之人李連杰,若閣下自問好似張無忌咁曉得九陽神功、乾坤大挪移,可以同貴為五次中國全國武術大會冠軍李連杰切磋,咁先有條件踏入首要門檻。Nuts哥認真醒你,就算唔曉九陽神功,都要識小寶神功啦,唔係點同外父過招呀?


來源 source: http://hk.on.cc
鍾意就快D Share啦!