掃呢頁CODE去手機

2017年3月22日 星期三

「陳孔劉」黑人全裸挑戰情敵搶番老婆 __,黑人,陳建州,

出盡全力要搶番老婆。韓劇《鬼怪》風靡全亞洲,男主角孔劉更成為台灣天后蔡依林、舒淇等女星嘅至愛,就連台灣女星范瑋琪(范范)都一樣被孔劉嘅魅力迷倒,搞到老 ...


出盡全力要搶番老婆。

韓劇《鬼怪》風靡全亞洲,男主角孔劉更成為台灣天后蔡依林、舒淇等女星嘅至愛,就連台灣女星范瑋琪(范范)都一樣被孔劉嘅魅力迷倒,搞到老公陳建州(黑人)都要改名變「陳孔劉」,就連上月嘅情人節黑人送賀卡時都以「陳孔劉」作為署名!上星期六(十八日)係范范41歲日,佢仲喺網上「放閃」,因為佢收到半裸爆肌孔劉電話殼嘅生日禮物,搞到唔少網友都講笑話「陳孔劉」地位不穩,要出招迎擊!

唔好急最緊要快,黑人真係有做嘢,仲要係盡地一煲!啱啱黑人喺社交網站上載背面全裸照,即係連人帶股露全相!黑人為免呢張相兒童不宜,好細心咁喺pat pat位置整咗張「wow」嘅圖案遮住股罅之外,仲搞笑地將范范個名tag埋落去!黑人留言:「誰也幫我做個手機殼送給 范范 范瑋琪唄!」擺明拋個身出嚟、以全裸姿態挑戰孔劉!

「陳孔劉」股擊孔劉,當然引起大批網友瘋狂討論,個個邊睇邊狂笑話黑人夠勇嘅話,唔該拎轉身畀埋個正面畀大家睇!當中有唔少網友大讚話「陳孔劉」去到咁盡點都完勝之餘,亦不忘笑佢係咪將會被人送入院!同時有唔少網友就話「陳孔劉」呢張相一定令范范翻白眼翻到頭殼頂之餘,仲話:「范范有這樣手機殼會不會每天想丟手機啊?」、「范范會不會拿來....丟你?」、「陳孔劉並不等於孔劉!」


來源 source: http://hk.on.cc
鍾意就快D Share啦!