掃呢頁CODE去手機

2017年3月15日 星期三

鄭嘉穎幫手剪倒刺 陳凱琳冧到爆! __,凱琳,鄭嘉穎,嘉穎,陳凱琳,

陳凱琳有鄭嘉穎幫手剪倒刺,真係Sweet爆。藝人陳凱琳(Grace)、朱晨麗及黃浩然等於尖沙咀,出席無綫劇集《平安谷之詭谷傳說》煞科宴。適逢今日是白色 ...


陳凱琳有鄭嘉穎幫手剪倒刺,真係Sweet爆。

藝人陳凱琳(Grace)、朱晨麗及黃浩然等於尖沙咀,出席無綫劇集《平安谷之詭谷傳說》煞科宴。適逢今日是白色情人節,問到Grace與男友鄭嘉穎如何慶祝?她透露男友忙於上演舞台劇,故二人只通電話互相打氣:「佢由中午12點演到晚上12點,我哋少咗見面。今日互打電話講係白色情人節。(冇表示?)我唔清楚白色情人節要邊個送畀邊個,總之有心意就OK。」Grace笑言不敢為男友炮製美食:「想整Cake畀佢,但會害咗佢。佢依家食三文治都要冇牛油同Sauce。我精神上支持佢,唔好引誘佢。」

得閒去熱帶旅行

Grace表示考慮等男友完成舞台劇後齊齊去旅行:「想去熱帶地區旅行,曬太陽,食吓嘢,休息吓,身體唔太好。(想調理身體?)女仔虛弱啲,想休息再拍劇。」談到Grace日前於網上晒出男友為自己「剪倒刺」的相片,她直言當時感覺Sweet爆:「我依家自己學剪,嗰日係一齊食晏嘅時候我搞枱上嘅刀叉,畀佢見到我有倒刺之後幫我剪,於是我偷拍佢。(感覺Sweet?)幾Sweet,小事都顯出佢好關心我,唔使做好誇張嘅事。」




來源 source: http://hk.on.cc
鍾意就快D Share啦!