加藤鷹談床上拍檔
自言冇遇過被迫下海女優
日本AV界嘅掘起已經逾35年，不過去年業界連爆多宗黑幕，多名女優站出來指控被迫下海，最轟動可算係AV女優香西咲指證遭公司社長青木亮強迫接拍成人影片，另一女優星野飛鳥都受訪自爆被迫踏上AV之路，更要於鏡頭前邊喊邊做。
曾演出萬五部AV嘅「金手指」加藤鷹，近日接受《日刊CYZO》專訪時批評現今AV界門檻太低，更認為女生缺乏警覺性。前AV天王加藤鷹於今次訪問中自言未遇過被迫演出嘅拍檔，表示個個都係心甘情願演出動作愛情片，佢補充：「其實都有很多人不太甘願，有人跟我說過拍三部就引退，我便知道她拍AV是另有苦衷。」不過加藤鷹都遇過一開始有點抗拒嘅女優，點知後來卻成為AV界天后，佢形容人嘅想法話變就變。
至於有AV女優聲稱被誘騙下海，當初簽約係做偶像、模特兒，加藤鷹認為：「中途就知道是拍AV吧？已經是大人了，如果抗拒拍AV就趕快辭職，若是被討違約金就法庭見，而且現在也有組織團體提供幫助。」加藤鷹談自己入行時，AV業界跟黑道多少有掛勾，要有一定決心才敢踏入呢個圈；對於目前AV業界標榜「乾淨」，加藤鷹持反對態度話：「現在的女生缺乏戒心，拍AV門檻又低，糊裡糊塗就下海。」佢呼籲AV製作公司應拿出良心承認自己並非正派之態度，等到女生知道拍AV會有乜後果嘅念頭，咁一啲為興趣而拍嘅女性當然另作別論
來源 source: http://hkm.appledaily.com
|
鍾意就快D Share啦！
|
|
|
