網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月18日 星期六

單文柔畀粉絲鬧 展鵬護花:大家明智啲 __,展鵬,單文柔,陳展鵬,

展鵬叫大家消化吓件事,大家明智啲!藝人陳展鵬於早上約11時,在經理人陪同下現身機場,準備為無綫劇《天命》到北京拍攝外景。黑帽、黑超、黑衫、黑褲、黑鞋、 ...


展鵬叫大家消化吓件事,大家明智啲!

藝人陳展鵬於早上約11時,在經理人陪同下現身機場,準備為無綫劇《天命》到北京拍攝外景。黑帽、黑超、黑衫、黑褲、黑鞋、黑袋,一身黑衣人打扮的他,獲兩名fans送機,辦理登機手續時,他向現場採訪的傳媒表示:「我唔會走咗去,陣間Check-in完會做訪問!」

展鵬特地出示日前被傳媒偷拍他與落選港姐單文柔,摸黑駕車到山頂在車內食飯,並被指撞車後不顧而去,因而到警署備案的報案紙。

單文柔家人擔心

有記者問展鵬,是否要恭喜他有拖拍?他說:「大家都睇到啲報道,呢兩日都瘋狂咁洗版,平時我唔解釋咁多,但因為我嘅事影響其他人,要講聲唔好意思。我都想講番,當晚(被偷拍)後,我去咗灣仔警署備咗案,總之我唔係撞咗車之後不顧而去。(係咪拍拖?)真係冇時間,呢兩三個月單文柔好好,幫我做stylist,但我連坐低都冇時間,諗住一邊食飯一邊傾嘢。(公司想你將戀情低調?)一路都冇要我咁做,今次係自己疏忽,我有同單文柔通電話,佢話屋企人都好擔心,我想講聲唔好意思!」

讚對方好心地

問到展鵬有否留意有fans在單文柔instagram喪鬧?他說:「件事發生咗,希望大家睇完成件事,消化吓,大家明智啲,我唔係辯護,但記者影得,一定係最爆嘅相,但都只係咁樣。(考慮追佢?)佢係好心地女仔,又免費幫我做stylist,睇緣份。(有聯絡胡定欣,有冇嬲你?)佢話唔係嘛?你咁黑㗎!佢點會嬲我?都係拍嘢。(依家唔諗拍拖?)我都係人,但呢兩年邊有時間?拍拖唔係一見到你就拍拖結婚生仔。」


來源 source: http://hk.on.cc
鍾意就快D Share啦!