2017年3月22日 星期三

【獨家】劉德華留家養傷 愛妻朱麗倩抱萌爆囡囡街市買菜 __,朱麗倩,劉德華,

現年55歲嘅劉德華向來係工作狂,但今年1月,華仔喺泰國拍廣告時不慎墮馬受傷,要坐醫療專機返港就醫,幸好日前終於可以出院。(新聞連結:http://bi ...


現年55歲嘅劉德華向來係工作狂,但今年1月,華仔喺泰國拍廣告時不慎墮馬受傷,要坐醫療專機返港就醫,幸好日前終於可以出院。(新聞連結: http://bit.ly/2mWWmbo )華仔透露過今次傷勢唔輕,盆骨多處骨折,並有筋腱肌肉拉傷。據悉華仔太太朱麗倩喺華仔住院期間,要每日由秘道出入醫院照顧華仔,如今華仔可以出院返屋企休養,屋企人當然最開心。早前讀者李小姐透過《蘋果》爆相爆片,話喺深水涉北河街見到劉太朱麗倩同4歲大囡囡劉向蕙。當日下午兩點幾,素顏嘅朱麗倩貫徹低調作風,打扮得好樸素,穿上一條鬆身直間連身裙、平底鞋及揹tote bag,同一般家庭主婦差唔多,平時朱麗倩出入都會戴口罩,但去到平民街市亦唔介意以真面目示人。早前有傳朱麗倩喺去年8月在外地秘密為華仔生B,當日所見,朱麗倩身材有少許發福,但未見有疑似BB仔出現。而華仔一向好保護家人,老婆同囡囡出街都會安排保鑣及家傭陪伴在旁,李小姐話﹕「見佢(朱麗倩)一路抱住個女,去完豆腐舖,再去隔離個菜檔,係畀錢先放低個女一陣,跟住又抱番起佢。(有冇人認得佢?)又唔覺(賣菜)阿姐有特別稱呼佢,但見保鑣個樣都幾惡,會成日周圍望,而兩個工人姐姐就一直企喺隔離,買完幫手攞嘢。」而4歲大嘅向蕙紮住條辮仔,眼仔碌碌、五官精緻,生得非常得意可愛,全程緊緊攬實媽咪冇扭過計,買完餸準備離開時,向蕙一雙小手緊扣,成個頭挨落媽咪膊頭,表現非常之嗲,真係冧死人!之後四大一小,一行五人就上番停泊係附近嘅七人車離開。

朱麗倩帶囡囡向蕙去街市買餸,全程好乖冇扭計。(讀者提供)
早前有傳朱麗倩去年8月在外地生B,當日朱麗倩穿上鬆身裙,身材有少許發福。
華仔一向錫屋企人,母女出入都有請保鑣全程保護。 華仔早前喺泰國拍廣告受傷,要坐醫療專機返港就醫。(資料圖片)
朱麗倩向來低調,少有與華仔一同現身。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...