唔知邊個跑出先呢？
近排圈中興起一個鬥快生仔嘅「熱潮」，多位準星媽都如箭在弦，B仔B女隨時搶閘出世，都咪話唔緊張。不過，就算就生得，都可以出街meet吓friend，談笑風生輕鬆吓，就好似依家佗B差不多9個月嘅車婉婉同蘇永康太太馮翠珊（Anita）咁，不約而同就出咗街玩，挺住個巨肚周街走。
車婉婉依家個肚成個籃球咁大，佢就無有怕走咗去籃球場……睇人打波，仲自爆好想問啲波友借個籃球嚟比較一下，又笑指其實自己係收埋咗個籃球，真係名副其實嘅「籃球肚」，車婉婉寫道：「高齡日誌之運動 河馬晚間尋活動！由於增磅太多的関係，現在感到負磅太重，醫生也叮囑我多走路，要做少少運動來平衡一下😜大家不用擔心，Q爸爸也在陪著（着）我走，河馬晚間單獨行動現在不太適宜。」
而蘇永康太太Anita都有孖老公出嚟搵friend開飯局，好友包括陳奕迅夫婦、黃偉文、雷頌德夫婦同梁漢文夫婦等，又齊齊合照留念，唔知呢張會唔會係佢最後一張產前大合照呢？
來源 source: http://hk.on.cc
|
鍾意就快D Share啦！
|
|
|
