掃呢頁CODE去手機

2017年3月29日 星期三

【打死不離親兄妹?】為卓林開口勸成龍 房祖名幫吳綺莉解困 __,祖名,卓林,吳綺莉,吳卓林,成龍,房祖名,

吳綺莉日前涉嫌「刑事恐嚇」被捕,有消息指報案人係女兒卓林,事後吳綺莉單方面話女兒有啲古怪行為,結果雙方大吵一輪,吳綺莉直認「語言上可能重咗」,之後女兒 ...


吳綺莉日前涉嫌「刑事恐嚇」被捕,有消息指報案人係女兒卓林,事後吳綺莉單方面話女兒有啲古怪行為,結果雙方大吵一輪,吳綺莉直認「語言上可能重咗」,之後女兒報警。(新聞連結:http://bit.ly/2o57x4K )噚晚成龍喺灣仔出席慶功宴嗰陣,最初仲笑笑口講房祖名,點知轉個頭講到小龍女卓林報警,告媽咪吳綺莉涉刑事恐嚇,成龍即刻詐傻扮聽唔到話:「吓,今日乜嘢事呀,仲有冇啲乜嘢呀!」然後再笑笑口話:「多謝!」再推開面前嘅咪牌兼極速走人!(新聞連結: http://bit.ly/2mOMeV3 )雖然成龍擺明親疏有別,不過今日有周刊報道話卓林同父異母嘅哥哥房祖名,原來一直都有留意卓林嘅消息,佢知道卓林讀到書,又知道吳綺莉經濟有壓力,於是佢同老竇成龍講,點解唔幫吓佢哋兩母女?有報道指房祖名出手幫吳綺莉,喺舊年一炮過以一千五百萬買入大坑偉景大廈一個單位;報道亦指吳綺莉出售上海物業套現,所以唔需要放售大埔嘅村屋幫補都可以水頭充足!報道仲話就算房祖名插手解困,但係吳綺莉本身依然酗酒,亦都冇正視過自己嘅情緒問題,事情發生後,佢接受相熟傳媒訪問爆卓林私隱保形象,又話佢從小已經體罰卓林,搞到卓林自細都好驚佢!

有傳房祖名叫成龍出手幫卓林。(資料圖片) 吳綺莉同卓林呢對母女,關係又再受到考驗。(資料圖片) 房祖名 (資料圖片)
成龍噚晚避談卓林同吳綺莉!(資料圖片) 成龍噚晚仲推開咪牌兼極速走人。(資料圖片)

來源 source: http://s.nextmedia.com
鍾意就快D Share啦!