網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月29日 星期三

【雍容華貴以外…】港姐冠軍夠「惹火」陳法蓉「仇家」通街都係 __,陳法蓉,港姐,

現年49歲嘅陳法蓉,於15歲嗰年到加拿大多倫多升學,並於夏威夷大學畢業,佢喺1989年參選港姐,獲得軍及國際親善小姐名銜,其後佢代表香港先後參選198 ...


現年49歲嘅陳法蓉,於15歲嗰年到加拿大多倫多升學,並於夏威夷大學畢業,佢喺1989年參選港姐,獲得軍及國際親善小姐名銜,其後佢代表香港先後參選1989年國際華裔小姐競選(奪得亞軍),及於翌年參加環球小姐競選,讀咁多書又見過晒大場面,加上係港姐出身,照計係好大方得體雍容華貴至係……不過,偏偏陳法蓉鬼咁「惹火」——係火頭個火,不時同人有嗌霎,仲要見晒報嗰種,唉……先係比較近有是非嘅梁小冰,舊年11月,梁小冰出席慧妍雅集活動,但因為佢未有着上慧妍雅集嘅粉紅色外套,被慧妍前會長陳法蓉即場問點解,一言不合就出事,小冰更因嬲豬遭對方當眾訓斥,拒絕同陳法蓉一齊影大合照(新聞連結: http://bit.ly/2goaWYv )。因為呢一場交,引發「慧妍之亂」,唔單止搞到梁小冰喺舊年12月選擇退會,仲引出咗好多前港姐出嚟,各有各撐,其中袁詠儀更力撐老友梁小冰,指自己會「百分百支持小冰嘅決定」(新聞連結: http://bit.ly/2gJ44Cj )。至於同陳法蓉同屆選港姐、分別獲得亞軍及季軍嘅朱潔儀同梁佩瑚,同陳法蓉都係有唔妥。先講梁佩瑚,佢喺梁小冰同陳法蓉單「慧妍之亂」上,冇明言撐邊個嘅,但就話覺得小冰件衫其實都有徽號,所以冇乜問題,而且自己都有send短訊畀小冰,安慰對方。(新聞連結: http://bit.ly/2ndHmFm )而梁佩瑚喺「慧妍之亂」之前,喺有線節目《娛樂熱辣辣》中大爆當年選美黑幕,話陳法蓉當年瞞住公司私下接受傳媒採訪,但之後就喊晒口話輯相係參選前影落扮委屈,點知就被踢爆講大話。隔咗幾日,陳法蓉喺微博反擊:「吃不到的葡萄是酸的。天下本無事,奈何多庸人自擾。」(新聞連結: http://bit.ly/2d3W4dg )雖然朱潔儀比較少「聲氣」,但早前有雜誌報道佢同陳法蓉都係不咬弦,話說當年佢哋當選後,被分派到劇組,朱潔儀喺90年獲派去同萬梓良、周海媚等合演台慶劇《笑傲在明天》,陳法蓉知道後,打電話畀朱潔儀,話套劇係因為自己冇時間接拍,先至彈畀朱潔儀,暗示朱潔儀執二攤,激死朱潔儀。另有指朱潔儀曾爆陳法蓉選美時食煙,但佢否認曾爆料:「大家太敏感,我從來冇指名道姓話邊個,Monica(陳法蓉)都唔食煙。」(新聞連結: http://bit.ly/2mLRp8m )另有周刊曾經報道過陳法蓉嗰屆嘅最上鏡小姐翁為德,因為頂唔順陳法蓉嗰種冠軍氣焰,所以兩人只係喺台前friend,台後就即刻黑面,又係唔妥嘅。唉……人夾人緣啦……

《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

(《城周》圖片) 就係梁小冰(右)件衫,引嚟陳法蓉(左三)不滿,再引起一場「慧妍之亂」(資料圖片) 嬲豬嘅梁小冰同陳法蓉各企一邊(資料圖片)
陳法蓉(右二)同同屆嘅當選佳麗,似乎都唔friend。(《城周》圖片) 陳法蓉(左二)當選後,有傳冠軍氣焰好勁,其他人都頂唔順。《城周》圖片) 後陳法蓉一屆嘅袁詠儀(左)撐梁小冰,冇幫陳法蓉(右)(《城周》圖片)
陳法蓉(資料圖片)

來源 source: http://s.nextmedia.com
鍾意就快D Share啦!